Փաստ ինֆո

Սանկտ-Պետերբուրգի փոխնահանագապետ Մարատ Հովհաննիսյանի կալանավորումից հետո ի հայտ են գալիս նրա գործունեության նոր դրվագներ, որոնք շատ էլ չեն զարմացրել ուժայիններին: Դեռևս 2013թ.-ից՝ նախքան իր պաշտոնին նշանակվելը, շատերը գիտեին, որ Մարատ Հովհաննիսյանը ընկերական հարաբերությունների մեջ է գտնվում օրենքով գողեր Էդուարդ և Սերգեյ Ասատրյանների հետ: Սակայն այդ փաստը ոչ մի կերպ չէր կարող ազդել նրա նշանակման վրա, չէ որ ինքը՝ Հովհաննիսյանը, անօրինական ոչնչով չէր զբաղվում: Իսկ ընկերություն անել մարդն ազատ է ում հետ կամենա:

Թեև այն ժամանակ արդեն ակտիվորեն շրջանառվում էր տեղեկությունն առ այն, որ նոր փոխնահանգապետը մարդ է քրեական աշխարհից:

Մինչև իշխանություն գնալու որոշում կայացնելը ծնունդով Մոլդավիայից Հովհաննիսյանը Վալերիա Պոպովսկայայի հետ Մոսկվայում զբաղվում էր բիզնեսով: Նրանք բացի տարբեր ֆիրմաներից մայրաքաղաքում բացել էին նաև հետագայում հանրահայտ «МВ Клуб» էլիտար ֆիթնես-կենտրոնը: Հենց այդ ակումբում էլ նա լավ ծանոթություններ հաստատեց այդ հաստատությունն այցելող բիզնեսմենների, չինովնիկների ու քրեական հեղինակությունների հետ:
Շինարարական բիզնես մտնելու առաջին առաջարկը Մարատ Հովհաննիսյանը ստացավ Ռուսաստանի հայկական սփյուռքի առաջնորդ Արա Աբրահամյանից, ով հրավիրեց նրան զբաղեցնել «Սոգլասիե» ՓԲԸ շինարարական ընկերության գլխավոր տնօրենի պաշտոնը: Միաժամանակ Հովհաննիսյանը ձգտում էր կազմակերպել նաև սեփական շինարարական բիզնեսը: Նա քրեական հեղինակություն Ալեքսեյ Սվարիչևսկու հետ հիմնադրեց «Ստրոյտեխնիկա» ՍՊԸ-ն:

Շինարարական ոլորտում փորձ կուտակած մարդուն նկատեցին հայկական օրենքով գողերը: Եվ հաջորդ փուլը դարձավ Էդիկ Օսետրինա մականվամբ ազդեցիկ գող Էդուարդ Ասատրյանի հետ Հովհաննիսյանի ծանոթությունը: Հենց նա Հովհաննիսյանին առաջարկեց աշխատել իր ազգական Ռազմիկ Խաչիկովիչ Ասատրյանի հետ, ով նույնպես բիզնեսում մեծ փորձառություն ուներ: Համատեղ նրանք կազմակերպեցին մի քանի ընկերություններ, հսկայական գումարներ բերող ամենագլխավոր ֆիրմաներ դարձան «Սփեյս ունիվերսալ ստրոյ»-ը և «РМинвест»-ը: Հենց այդ ֆիրմաներն էին հետագայում ստանում շատ ձեռնտու պայմանագրեր, այդ թվում նաև՝ Մոսկվայի կառավարությունից:
Հետո հավակնություններն թույլատրելի սահմաններից ավելի աճեցին, և Արա Աբրահամյանը՝ Մոսկվայի քաղաքապետ Լուժկովի օգնությամբ առաջ մղեց Հովհաննիսյանի թեկնածությունը ՌԴ Մշակույթի նախարարության շինարարության, վերակառուցման և ռեստավրացիայի տնօրինության ղեկավարի պաշտոնին: Հովհաննիսյանը դարձավ հսկայական կառույցի ղեկավար:

Սանկտ-Պետերբուրգի փոխնահանգապետի պաշտոնին ևս, ըստ աղբյուրների տեղեկատվության, Հովհաննիսյանին առաջ մղեցին ազդեցիկ հեղինակությունները: Նրանք մեծ պլաններ ունեին այդ մարդու հետ, որի օգնությամբ քրեական աշխարհը միլիարդներ էր սարքում: Ծրագրվում էր պարուրել Պիտերը՝ ամենախոշոր ձեռնարկություններում օրենքով գողերի դրածոների համատարած ներկայությամբ:

Գողական հավաքույթներից մեկի ժամանակ, որն անցկացվում էր «Բոչկա» մոսկովյան ռեստորանում, ուժայինները նկատեցին նաև ներկա գտնվող Հովհաննիսյանին: Այդ տեսանյութը իսկույն Ինտերնետում հայտնվեց, թեև օրենքով գողերի հավաքույթների տեսագրությունները ուժայինները հազվադեպ են հրապարակում:

Բոլոր ցանկացողները կարող էին անձամբ տեսնել Սանկտ-Պետերբուրգի փոխնահանգապետին շատ նման մարդուն՝ հավաքույթի ժամանակ:

Տեսանյութի հրապարակումից հետո շատերը հասկացան ում հետ գործ ունեն, և Մարատ Հովհաննիսյանը կորցրեց երբեմնի ունեցած կշիռը չինովնիկական աշխատասենյակներում: Մինչ այդ նրա վրա հույս դնող քրեական աշխարհի մարդիկ էլ շրջվեցին երեկվա «աստղից»:

Այդպիսով թուլացնելով Հովհաննիսյանին, ուժայինները կարողացան Զենիթ-Արենա ստադիոնի շինարարության ժամանակ հիսուն մլն ռուբլու հափշտակության պաշտոնապես մեղադրանք առաջադրել նրան:

Մարատ Հովհաննիսյանը ձերբակալվել է նոյեմբերի 16-ին:

Աղբյուր` Փաստինֆո