Փաստ ինֆո

Ռուսաստանցիների կողմից կոռուպցիան ընկալվում է որպես երկրում երրորդ կարևոր խնդիր՝ տնտեսական ու առողջապահության վիճակի խնդիրներից հետո: Ըստ BBC-ի ռուսական ծառայության, այս մասին ասվում է Transparency International կազմակերպության՝ «Համաշխարհային կոռուպցիայի բարոմետր- 2016» հետազոտության մեջ:

Կոռուպցիան Ռուսաստանից հարցվածների համար ներկայանում է որպես ավելի կարևոր թեմա, քան կրթությունը, գործազրկությունը և հանցավորությունը: Կոռուպցիան որպես Ռուսաստանի գլխավոր խնդիրներից մեկը նշել է հարցվածների 39% -ը: Տնտեսական խնդիրների կարևորության մասին հայտարարել են ռուսաստանցիների 61%-ը, հարցվածների ևս 56%-ին անհանգստացրել է առողջապահության վիճակը:

«Մեր տվյալները գործնականում համընկնում են «Լեվադա-ցենտր»-ի արդյունքների հետ»,- նշել է Трансперенси Интернешнл – Р-ի գլխավոր տնօրեն Անտոն Պոմինովը՝ ռուսաստանցիները, ամենայն հավանականությամբ, համարում են, որ վատ կրթությունն ու գործազրկությունը հենց կոռուպցիայի հետևանք է, այդ պատճառով այդ խնդիրն ավելի կարևոր են համարում:

Ռուսաստանցիներն ու ուկրաինացիները ավելի հաճախ, քան այլ երկրների բնակիչները, ստիպված են կաշառք տալ սկզբնական ու միջնակարգ կրթության հասանելիության համար: Ռուսաստանյան հարցվածների 29% -ը և ուկրաինացիների 38%-ը վերջին 12 ամիսների ընթացքում կաշառք են տվել դպրոցների հասանելիության համար:

Ընդհանուր առմամբ կաշառք ստիպված են եղել տալ ռուսաստանցիների 34% -ը: Գնահատելով պատճառները, թե ինչու մարդիկ չեն հայտնում կոռուպցիայի մասին, հարցված ռուսաստանցիների 17%-ն ասել է, որ դա պարզապես վտանգավոր է, 16% -ը՝ որ դա անիմաստ է, 14%-ը՝ որ չեն հավատում որևէ բան ապացուցելու հնարավորությանը, իսկ 11%-ը՝ որ վախենում են խոստովանել կոռուպցիոն պրակտիկայում իրենց ներգրավվածության մասին:

Համաշխարհային կոռուպցիայի բարոմետր հետազոտությունն անց էր կացվում իններորդ անգամ: Հետազոտության ընթացքում հարցման է ենթարկվել Եվրոպայի և Կենտրոնական Ասիայի 42 երկրներից մոտ 60 հազար մարդ: Ռուսաստանում անց է կացվել 1,5 հազար հարցազրույց:

Աղբյուր` Փաստինֆո