Փաստ ինֆո

Այս տարվա մարտի 13-ին Սարի-թաղում թիվ 47 դպրոցի մոտ անչափահասի սպանության գործով նախաքննությունը, «Փաստինֆո»-ի տեղեկություններով, ավարտվել է։

Մարտի 13-ին՝ ժամը 21-ի սահմաններում, Սարի-Թաղում գործող թիվ 47 դպրոցի դիմաց տեղի է ունեցել վիճաբանություն, որին մասնակցել են նաև անչափահասներ։ Վիճաբանությունը վերածվել է ծեծկռտուքի, որի ժամանակ Սարի-Թաղի 16-ամյա բնակիչը (17-ամյակը պետք է լրանար նոյեմբեր ամսին) կրծքավանդակի առաջնային մակերեսին ստացել է կյանքի հետ անհամատեղելի՝ կտրած-ծակած թափանցող վնասվածք։ Վերջինս ստացած մարմնական վնասվածքի հետևանքլով «կենսաբանական մահ» ախտորոշմամբ տեղափոխվել է «Էրեբունի» բժշկական կենտրոն, որտեղ հաստատվել է անչափահասի մահը։

Տարբեր աստիճանի մարմնական վնասվածքներով բժշկական կենտրոն է տեղափոխվել ևս 5 անձ։ Բոլոր տուժածներն էլ Սարի-Թաղի բնակիչներ են։

Սարի թաղում աղմկահարույց դեպքով Պետրոսյան եղբայրները կալանավորվել են

«Փաստինֆո»-ին հայտնի է դարձել, որ մահվան ելքով այս վիճաբանությունը ծագել է հայհոյանքից:

Մասնավորապես, նշված թաղամասում բնակվող մի անչափահաս նույն թաղամասում բնակվող Անատոլիին հայտնել է, որ մեկ ուրիշ անչափահաս Անատոլիի անչափահաս եղբոր՝ հասցեին հայհոյանքներ է հնչեցրել, ինչի պատճառով էլ պայմանավորվել են հանդիպել հայհոյանքներ տվողի հետ:

Պայմանավորվածության համաձայն՝ տղայական հանդիպումը կայացել է, հանդիպել են նշված տարածքի մանկապարտեզի մոտ:

Այդ խոսակցություններին իր մասնակցությունն է ունեցել «Մուկ» մականունով մի երիտասարդ և անչափահաս Գոռի հասցեին հնչեցված հայհոյանքների համար ներողություն խնդրել՝ հնչեցնողի փոխարեն, այդկերպ փորձելով հաշտեցնել նրանց:

Թվացել է, թե հաշտվել են ու այդքանով խոսակցությունը փակված է համարվել, սակայն անչափահաս Գոռի եղբայրը տղաներից մեկին ասել է, թե չի հավատում, որ իր և եղբոր հասցեին Գրիգորը կարող էր հայհոյանքներ հնչեցնել, քանի որ իրենք մտերիմ են եղել նրա հետ:

Փակված խոսակցությունը կրկին վերաբացվել է, այս անգամ ավելի լայն շրջանակներով դարձել քննության առարկա:

Միևնույն ժամանակ Անատոլին այդ մասին հայտնել է նույն թաղամասի բնակիչներ եղբայրներ Նարեկ և Դավիթ Պետրոսյաններին, վերջիններս էլ հանգստացնելով նրան ասել են, թե իրենք կգնան ու կմասնակցեն այդ խոսակցությանը:

Սարի-Թաղում սպանության գործով կասկածյալների վրա մարմնական վնասվածքներ են հայտնաբերվել. մանրամասնում է Քննչական կոմիտեն

Իսկ հաջորդ օրը մի կաթիլ մեղրը դարձած այս խոսակցությունը վերաբացվել է մի խումբ երիտասարդների միջև թեժ քննարկում ծավալվել, որն էլ ավարտվել է անչափահասի սպանությամբ և 5 անձի դանակահարությամբ:

Դանակահարության հետևանքով Սարի-թաղի 16-ամյա բնակիչ Արմեն Բաղդասարյանը կրծքավանդակի առաջնային մակերեսին ստացել է կյանքի հետ անհամատեղելի՝ կտրած-ծակած թափանցող վնասվածք, սակայն երբ տեղափոխվել է «Էրեբունի» բժշկական կենտրոն, այնտեղ հաստատվել է, որ նա արդեն մահացած է։

Քրեական գործով մեղադրանք է առաջադրվել Դավիթ և Նարեկ Պետրոսյաններին։

Լուսանկարը՝ Shamshyan.com-ի

Աղբյուր` Փաստինֆո