Փաստ ինֆո

Մերձմոսկովյան տարածքում ձերբակալվել է երեխաներին ինքնասպանության մղող՝ սոցիալական ցանցերում «մահվան խմբերից» մեկի ադմինիստրատորին: Այս մասին գրում է РИА Новости-ն՝ հղելով ՌԴ ՔԿ ԶԼՄ-ների հետ կապերի վարչության ղեկավարի պաշտոնակատար Սվետլանա Պետրենկոյին:

«Մոսկովյան շրջանում ձերբակալվել է սոցիալական ցանցերում «մահվան խմբերից մեկի» ադմինիստրատորը, որի գործողություններից տուժել է առնվազն 20 անչափահաս»,- ասել է Պետրենկոն:

Ըստ նրա՝ 2016թ. մայիսին ՔԿ-ն Սանկտ-Պետերբուրգում ստուգել է մի շարք ԶԼՄ-ների հաղորդագրությունները, որոնք բովանդակում են տեղեկություններ Ռուսաստանում հայտնի սոցիալական ցանցերից մեկում փակ խմբերի մասին տեղեկություններ, որոնք իբրև անչափահասներին մղում են ինքնասպանությունների: Քիչ ժամանակ անց ստուգման արդյունքներով գործ է հարուցվել «ինքնասպանության հասցնելուն դրդելու փաստով»՝ ինքնասպանության հասցնելու հոդվածով:

Այս պահի դրությամբ քննիչների կողմից հաստատվել է, որ կան 15 անչափահաս տուժողներ, ովքեր «մահվան խմբերում» են եղել և ռուսաստանյան տարբեր տարածաշրջաններում կատարել են ինքնասպանություններ: Եվս հինգ երեխաների ինքնասպանությունը տեղի չի ունեցել:

Քննությունը տիրապետում է տվյալների, ըստ որոնց 2013թ. դեկտեմբերից մինչև 2016թ. մայիսը չարագործները «ВКонтакте» սոցցանցում ստեղծել են ութ վիրտուալ միաբանություններ, որտեղ բացահայտ ինքնասպանություն էին քարոզում և երեխաներին դրան մղում: Այդ խմբերին հասանելիությունը խիստ սահմանափակ էր, անդակակցությունը կատարվում էր ադմինսիտրատորի հայեցողությամբ: Նրանք, ում հասանելիություն էր տրվում, տարբեր թեստեր ու առաջադրանքներ էին անցնում, որի կատարման չափով աճում էր վարկանիշը, որը հասանելիություն էր ապահովում նոր «հնարավորությունների» համար՝ բովանդակություն ու առաջադրանքներ՝ կապված մահվան, ինքնասպանության, ինքնիրեն ֆիզիկական խեղում պատճառելու և այդ իրադարձությունների բեմադրության թեմատիկայի հետ, նշում է ՔԿ-ն:

Քննիչների տվյալներով, երեխաների նկատմամբ հետևողական ներգործությանը նպաստել են հոգեէմոցիանալ տեսանկյունից հստակ ստուգված տակտիկան, քանի որ որոշ առաջադրանքների կատարումը տեղի էր ունենում խոր գիշերը, ինչը հանգեցնում էր խրոնիկական անքնության և որպես հետևանք ինքնազգացողության վատթարացմանը, կամային ու վերլուծական ունակությունների նվազմանը, տեղի ունեցածը հավասարակշռված ու ադեկվատ ընկալելու անհնարինությանը: Նշվում է, որ դրա հետևանքում խումբ մուտք գործած երեխան ուժգին հոգեբանական որոգայթի մեջ էր ընկնում:

Աղբյուր` Փաստինֆո