Փաստ ինֆո

 ՀՀ ՊՆ Վազգեն Սարգսյանի անվան ռազմական ինստիտուտի կուրսանտ Հայկազ Բարսեղյանի հայրը չի ցանկանում, որ որդու սպանության համար որևէ անմեղ մարդ դատապարտվի: Այդ մասին այսօր նա հայտարարեց դատարանում՝ հարցաքննության ժամանակ։

ցուցմունք տալիս հայտարարեց Արկադի Բարսեղյանը, ով որդու սպանության գործով տուժողի իրավահաջորդ է ճանաչվել:

«Չեմ ուզում որևէ անմեղ մարդ դատվի, եթե ապացուցի,  որ դուք չեք դատարանում ներողություն կխնդրեմ,  բայց եթե դուք եք, ապա ծնկաչոք էլ ներողություն խնդրեք...» ասաց սպանված կուրսանտի հայրը՝ Արկադի Բարսեղյանը՝ խոսքը կիսատ թողնելով։

Ավան և Նոր-Նորք վարչական շրջանների ընդհանուր իրավասության դատարանում գործով հարցաքննված տուժողներից հետո  այսօր ցուցմունք տվեց նաև տուժողի իրավահաջորդը՝ Ա.Բարսեղյանը։ Վերջինիս  խոսքով՝ որդու մահվան մասին ինքը չի իմացել. ռազմական ինստիտուտ իրեն հրավիրելու ժամանաւ ասել են,  թե Հայկազը կռիվ է արել:

Ինստիտուտում մի գեներալի սենյակում տեսել է հավաքված սպայական անձնակազմին, որտեղ  ճանաչել է միայն Պաշտպանության նախարարի առաջին տեղակալ Դավիթ Տոնոյանին։ Վերջինս Հայկազի վերաբերյալ հարցեր է տվել, թե Ամանորին, երբ տանն է եղել, ինչ տրամադրություն է ունեցել,  կամ ընկերուհի ունեցել է, թե ոչ,  աղանդավորական խմբերի մեջ ընդգրկված  եղել է, թե ոչ։  Հարցերից հետո Տոնոյանը ձեռքը դրել է Հայկազի հոր ուսին և ասել «պինդ պահի քեզ, Հայկազը էլ չկա, նրան գտել են պտտաձողից կախված»:

ՊՆախարարի առաջին տեղակալը  Արկադի Բարսեղյանին որդու հետ տեղի ունեցածի որպես   առաջին վարկած ասել է  ինքնասպանությունը, ապա նշել, որ քննիչներն աշխատում են, հանգամանքները կպարզվի:

Տուժողի իրավահաջորդը նաև նշեց, որ իրենք անգամ չեն իմացել, որ որդու նկարը որպես լավ սովորողի ամրացված է եղել է ինստիտուտի պատին:

Դեպքից հետո քննիչը գնացել է տուժողի տուն եւ հորը որպես տուժողի իրավահաջորդ ճանաչել, որի ժամանակ էլ իմացել են, որ իրենց որդուն  խեղդամահ են արել, ապա պտտաձողից կախել:

Սպանված կուրսանտի հայրը պատմում էր, որ որդին ցանկանում էր զինվորական դառնալ  և որևէ անգամ սպաներից չի դժգոհել, պինդ տղա էր:

2014թ. դեկտեմբերի 29-ին Ամանորի կապակցությամբ Հայկազը տուն է գնացել և հունվարի 7-ին վերադարձել ինստիտուտ, դրանից հետո նրա հետ ծնողները չեն խոսել, Հայկազը չի ցանկացել, որ իրեն զանգահարեն:

Գործի վերաբերյալ էլ տուժողի իրավահաջորդը նշեց, որ քննիչը իրեն ցուցադրել է լուսանկարներ, որտեղ ամբաստանյալները և ևս 2-3 հոգի են պատկերված եղել, ըստ տուժողի՝ այդ լուսանկարները արված են դեպքին նախորդող օրը Վաչե Սահակյանի ծննդյան օրը նշելու ժամանակ:

Ինչ վերաբերում է քաղաքացիական հայցին, ապա Արկադի Բասեղյանը նախագահող դատավորին հայտնեց, որ պահանջ ունի գործով 4 ամբաստանյալներից՝Գնել Թևոսյանից, Նորիկ Սահակյանից,  Վաչե Սահակյանից և Մովսես Ազարյանից,  որը կներկայացնի, իսկ Վարազդատ Սաֆարյանի մասով տուժողի իրավահաջորդը քաղաքացիական հայց չունի:

Հաջորդ՝ նոյեմբերի 28-ին կայանալիք նիստում դատարանը կանցնի վկաների հարցաքննությանը:

Աղբյուր` Փաստինֆո