Փաստ ինֆո

Եվ այսպես, Դոնալդ Թրամփի՝ ԱՄՆ նախագահ ընտրվելը շատերի համար բացարձակապես անսպասելի էր: Կարծիք կա, որ Թրամփը տարիներ շարունակ միտք էր հղանում դառնալ նախագահ, ծրագրում էր դա: Սակայն այդ դեպքում ինչո՞ւ նա չէր մտածում իր համբավը մաքուր պահելու մասին: Դրա փոխարեն նրա անունը կապվում է մեծահասակների համար զվարճությունների ինսդուստրիայի, Փլեյբոյի և այլ սիրելի զվարճանքներով տարվելու հետ: Թրամփին մեկ անգամ չէ, որ որսացել են բավականին վարկաբեկող իրավիճակներում, գրում է Fishki.net-ը:

Թրամփը 15-ամյա Իվանկայի հետ.

Թրամփի՝ դստեր՝ Իվանկայի հետ այս բավականին տարօրինակ լուսանկարները իր ժամանակին շատ ասեկոսեներ են առաջացրել: Իվանկան այն ժամանակ 15 տարեկան էր, սակայն նա հագնված է և ավելի մեծի տեսք ունի: Նրանց կեցվածքներն էլ որոշակիորեն լարվածություն են առաջացնում:

Սակայն մյուս լուսանկարները միայն ծաղիկներ են՝ 1996թ. Beach Boys-ի համերգում արված լուսանկարի համեմատ:

15-ամյա Իվանկա Թրամփը նստած է իր հոր ծնկներին՝ պարում է՝ երաժշտությանը տակտ խփելով: Ազատ տեղ չգտնվե՞ց:

Թրամփը նկարահանվել է մեծահասակների համար Playboy Video Centerfold 2000 ֆիլմում՝ էպիզոդիկ դերում: Ֆիլմում փառքի ծարավ ունեցող մոդելների ամբոխը պատրաստ է ամեն ինչի՝ փլեյբոյական նապաստակների շարքերն ընկնելու ու Հյու Հեֆների հավանությունը ստանալու համար: Նրանք միասին մեղրի լոգանքներ էին ընդունում և շատ ուրիշ բաներ էլ էին անում, ինչը սովորաբար անում են սոֆթ-պոռնոյում (պոռնոգրաֆիա, որի ժամանակ ցույց չեն տրվում սեռական օրգանները խոշոր պլանով): Բարեբախտաբար Թրամփն այդ ֆիլմում հագուստը չէր հանում և հայտնվում է միայն էպիզոդում՝ շնորհավորական շամպայնի շշով:

Մելանյա Թրամփը մերկ նկարվել է ամսագրի համար: Այս լուսանկարում ոչ թե Դոնալդ Թրամփն ինքն է, իհարկե, սակայն այդ լուսանկարների հայտնվելը շատ բան է ասում նրա մասին: Դա մեծ ֆոտոսեսիայից միայն մեկ լուսանկար է, որում Մելանյան նկարվել է լրիվ մերկ՝ եթե շպիլկայով կոշիկները չհաշվենք: Այս լուսանկարում նա քսանն անց է, լուսանկարն արվում էր տղամարդկանց համար մի ֆրանսիական ամսագրի համար, և ինտերնետ դրանք ընկել են վերջերս և հասկանալի է, թե ինչու: Թրամփը հանգիստ է արձագանքել՝ ասելով, որ Մելանյան մինչև իր հետ հանդիպելը հաջողակ մոդել է եղել և շատ է նկարվել եվրոպական ամսագրերի շապիկների համար, Եվրոպայում նման լուսանկարները սովորական բան են:

Թրամփը նկարվել է «Փլեյբոյ»-ի շապիկի համար: Նա ինքը նույնպես 1990թ. հայտնվել է «Փլեյբոյ»-ի շապիկին՝ «Փլեյբոյ»-ի նախկին ընկերուհի Բրանդի Բրանթի հետ, ով դատելով բեմադրությունից, փորձում էր նրան գայթակղել: Ահա այդպիսի երիտասարդ է: Ամսագրի համարում կար նրա հետ հարցազրույց, որում նա զզվելի բաներ էր ասում նախկին կնոջ մասին, պարծենում իր փողերով և մի քանի անգամ իր մասին հիշատակում էր երրորդ դեմքով:

Թրամփը դավաճանում էր առաջին կնոջը: Առաջին անգամ նա ամուսնացել է 1977թ., և նրա կինը 28 տարեկան էր: Ամուսնությունից 12 տարի անց լուրեր տարածվեցին, որ նա դավաճանում է կնոջը, քանի որ նրան հաճախակի սկսեցին հանդիպել երիտասարդ շիկահեր Մարլա Մեյփլզի հետ: Այս լուսանկարում պատկերված են Թրամփը, նրա կին Իվանան (վարդագույնով) և Մեյփլզը (սպիտակով) լեռնադահուկային հանգստավայրում, Ասպենայում: Հենց այդ ուղևորության ընթացքում էլ կինը բացահայտել է նրա անհավատարմությունը:

Այս լուսանկարում Թրամփը տակո է ուտում՝ կարծես թե ի պաշտպանություն մեքսիկական ներգաղթյալների՝ միաժամանակ` գովաբանելով Trump Tower ռեստորանը: Թվիթերի մեծաչքանի օգտատերերը նկատել են, սակայն, որ ուտելիքի համար ծառայող պատվանդանն ոչ այլինչ է, եթե ոչ նրա նախկին կնոջ՝ Մարլա Մեյփլզի, լուսանկարը: Պարզվել է, որ դա Մարլայի՝ «Կյանքը Թրամփի հետ» հոդվածն է People ամսագրի համար: Իհարկե, իրեն պետք էր կարդալ, թե ինչ են գրոտել այնտեղ իր մասին:

Այստեղ Թրամփը պատկերված է միս Տիեզերք- 2009-ի՝ Վենեսուելայից Ստեֆանիա Ֆերնանդեսի հետ և ակնհայտորեն օգտվում է մեկենասի իր դիրքից: Գեղեցկուհին ստոիկաբար դա հանդուրժում է, ինչպես հանդուրժում էին արտառոց վարմունքը նրա հովանավորությամբ անցկացվող գեղեցկության այլ մրցույթների մասնակից աղջիկները: Թրամփը սիրում էր աղջիկների մոտ հանդերձարան մտնել, ընդ որում դա անում էր ամեն պահի, ինչով ամաչեցնում էր մրցույթի մասնակիցներին:

Թրամփը խորհուրդ է տվել «կանանց բռնել շեքամեջից»: Այս լուսանկարում մենք տեսնում ենք Թրամփին ռադիոհեռուստահաղորդավար Բիլլի Բուշի և դերասանուհի Արիան Ցուկերի կողքին: Բուշը հարցազրույց էր ունենում Թրամփի հետ, և խոսք է գնացել ինչ-որ կնոջ գայթակղելու չհաջողված փորձի մասին: Ապա նրանք նկատել են Ցուկերին, ով խաղում էր Մեր կյանքի օրերը սերիալում, որտեղ 2005թ. նկարահանվել է նաև Թրամփը: Եվ տղամարդկանց զրույցը ստացել է լրիվ անպարկեշտ բնույթ: Բուշն ասել է. «Ինչ տաք թռչնակ է», իսկ Թրամփը պատասխանել է՝ ես համենայն դեպս տիկտակ եմ ուտում, հանկարծ ու կսկսեմ նրան համբուրել, չէ՞ որ երբ դու աստղ ես, նրանք դա քեզ թույլ են տալիս, միայն նրանց շեքամեջից բռնիր, արա ինչ ուզում ես: Հետագայում Թրամփը ներողություն է խնդրել իր խոսքերի համար:

Թրամփին համեմատում են Հիտլերի հետ: Ոչ լեգալ ներգաղթյալները, որոնց դեմ կտրուկ հանդես է եկել Թրամփը, իրենց հերթին նրան համեմատում են Ադոլֆ Հիտլերի հետ: Հիմնականում խոսքը գնում է Մեքսիկայից անլեգալ միգրանտների մասին:

Թրամփը ծաղրել է ֆիզիկական թերություն ունեցող ռեպորտյորին: Մոտավորապես մեկ տարի առաջ Թրամփին մեղադրեցին նրանում, որ նա ծիծաղել է New York Times-ի ռեպորտյորի վրա, ով տառապում է արթրոգրիպոզից: Թրամփը հերքել է չար դիտավորությունը՝ հայտարարելով, որ երբեք չի հանդիպել այդ ռեպորտյորին, ուստի և այդ պատճառով չէր կարող նրան ծաղրել: Սակայն նստվածքը մնացել է:

Թրամփը քննադատում է ավելորդ քաշ ունեցող մարդկանց: Քրիս Քրիստին՝ Նյու Ջերսիի նահանգապետը և Թրամփի կողմնակիցը, հաճախ դառնում է վերջինիս կողմից կատակների օբյեկտ:
Օրինակ, վերջերս Թրամփը քննադատել է Քրիստիին ավելորդ քաշի համար, խորհուրդ է տվել դադարել ուտել Oreo թխվածք:

Թրամփն ընդհանրապես հայտնի է նրանով, որ մարդկանց երեսին քննադատում է նրանց՝ մատնացույց անելով նրանց արտաքին թերությունները՝ լինի դա ավելորդ քաշ, թե էլի այլ բան:

Թրամփի ևս մեկ լուսանկար դստեր հետ: Այդ լուսանկարում Իվանկան 12-13 տարեկան է՝ նա մահճակալին նստած՝ սև կոկթեյլի զգեստով գրկում է հորը: Եվ նորից աղջիկը չափազանց մեծահասակի տեսք ունի, այդ պատճառով էլ, երևի, լուսանկարից զգացողությունը տարօրինակ է: Թեև դա ընդամենը հոր ու դստեր սիրո արտահայտություն է:

Թրամփը սիրում է մատուցողուհիներին: Ընդհանուր առմամբ ոչ մի զարմանալի բան չկա, որ «Փլեյբոյ»-ի և մեծահասակների համար ֆիլմերի սիրահարը տղամարդկանց համար Hooters բարերի մշտայցելու է, բարերը հայտնի են նրանով, որ մատուցողուհիները հատուկ ընտրություն են անցնում և սպասարկում են այցելուներին կիսամերկ տեսքով:

«Փլեյբոյ»-ով տարվելը: Թրամփը ոչ միայն հայտնվել է «Փլեյբոյ» ամսագրի շապիկին և 90-ականներին նկարահանվել գեղեցկուհիների հետ էրոտիկ ֆիլմերից մեկում, այլև Հյու Հեֆների առանձնատան հաճախակի հյուրն է եղել՝ մասնակցելով ընդհանուր զվարճությանը:

Աղբյուր` Փաստինֆո