Փաստ ինֆո

Գրասենյակային տարածքներ, բնակարաններ և ավտոկայանատեղեր վաճառելու պատրվակով տարիներ շարունակ բազմաթիվ քաղաքացիներից առանձնապես խոշոր չափերի` շուրջ 2 միլիարդ դրամի հափշտակություն կատարելու մեջ մեղադրվող Վլադիսլավ Մանգասարյանի գործը Կենտրոն և Նորք-Մարաշ վարչական շրջանների ընդհանուր իրավասության դատարանում է և մակագրվել է դատավոր Արմեն Բեկթաշյանին:

Վլադիսլավ Մանգասարյանի գործի գործով նախքննությունն իրականացրել է ՀՀ քննչական կոմիտեի հատկապես կարևոր գործերի քննության գլխավոր վարչությունում:

Ըստ մեղադրանքի` Վլադիսլավ Մանգասարյանը Երևան քաղաքում իրականացնելով բազմաբնակարան շենքերի շինություն, ինչպես նաև ստանալով Երևան քաղաքի Մաշտոցի 33Ա և Մաշտոցի 33/1 հասցեներում կառուցվող շենքերից տարածքներ օտարելու իրավունք, իսկ հետագայում` փաստացի հանդիսանալով նաև հիշյալ շինությունների սեփականատեր «Արին Կապիտալ» Ներդրումային ՍՊԸ բաժնետեր և ընկերության տնօրենին պարտադիր կատարման ենթակա ցուցումներ տվող անձ, խաբեությամբ ու վստահությունը չարաշահելու եղանակով` գրասենյակային տարածքներ, բնակարաններ և ավտոկայանատեղեր վաճառելու պատրվակով 2005-2011թթ. ընթացքում միասնական դիտավորությամբ հափշտակել է բազմաթիվ քաղաքացիների և ՍՊԸ առանձնապես խոշոր չափերի` 2.255.412.294 ՀՀ դրամ արժողությամբ գույքը:

Գործով տուժող է ճանաչվել 26 անձ, այդ թվում նաև իրավաբանական։

Վլադիսլավ Մանգասարյանին մեղադրանք է առաջադրվել ՀՀ քրեական օրեսնգրքի 178-րդ հոդվածի 3-րդ մասի 1-ին կետով`31 դրվագով, նրա նկատմամբ որպես խափանման միջոց է ընտրվե չհեռանալու մասին ստորագրությունը:

Աղբյուր` Փաստինֆո