Փաստ ինֆո

Որպես օրենքով գող «Ավտո» հայտնի Ավթանդիլ Կոբեշավիձեի շրջապատը առաջին անգամ կապի մեջ է մտել լրագրողների հետ:

Ինքը՝ Ավտոն, տարած վիրահատությունից հետո ուժեր է հավաքում, այդ պատճառով 66.ru պորտալի հատուկ թղթակիցը զրուցել է բոլոր կենսական հարցերից տեղյակ նրա շրջապատից մի մարդու հետ:

Եկատերինբուրգում «Դիրիժաբլ»-ի մոտ տեղի ունեցած զանգվածային ծեծկռտուքի պատմությունը, ըստ լրագրողի զրուցակցի, շատ պարզ է՝ ծիսական ծառայություններ մի խումբ մարդիկ ենթարկվել են ռեյդերական զավթման փորձի: Այդ իրավիճակի առանձնահատկությունն այն է, որ կատարվել էր շատ ու շատ հին՝ 90-ականների սկզբների, խլելու փորձ, ինչը հարուցել է հեգնանք այդ թվականներն ու միջոցները հիշող մարդկանց մոտ: Մարդկանց կանչել են կրակելու, և դա արդեն արխաիզմ է: Նույնիսկ այդ տերմինը վաղուց դուրս է եկել օգտագործումից:
Մարդիկ սկսել են պահանջել իրենց տնօրինմանը փոխանցել ծիսական բիզնեսը:

Հիմա այդպես գործեր չեն արվում, դա իսպառ հեռացել է կրիմինալից ու բիզնեսից:

Ռեյդերները ներկայացել են որպես «տրոֆականներ» (քրեական հեղինակություն Անդրեյ Տրոֆիմով՝ Տրոֆա), այդ իսկ պատճառով էլ դեպքը լայնորեն քննարկվում էր: Մանրամասները ճշտվում էին բոլոր մակարդակներում՝ սկսած իրավապահներից և վերջացրած կրիմինալ կառույցներով, չափից շատ հարցեր կային:

Բազմաթիվ ճշտումների արդյունքներով էլ պարզվեց, որ և՛ սրանք, և նրանք ձեռնարկատեր-արհեստավորներ են և որևէ առնչություն հանցավոր հաստատությունների հետ չունեն: «Տրոֆա»-ին հղելը նույնպես չի հակասում այդ կոնֆլիկտի բնույթին: Չէ՞ որ «Տրոֆա»-ն ձեռնարկատեր, բիզնեսմեն է ծառայությունների ոլորտում: Տրոֆիմովի կրիմինալ անցյալը ժամանակին միանգամայն ստատուսային է եղել, բայց դա շատ վաղուց էր և գտնվում է վաղ անցյալում, իսկ ժամանակակիցներն արդեն նրան չգիտեն էլ (Անդրեյ Տրոֆիմաովը 2004թ. բացահայտ կոնֆլիկտի մեջ էր մտել Ռուսաստանի հանցավոր աշխարհի այն ժամանակվա առաջնորդ Ասլան Ուսոյանի հետ, ինչի պատճառով զրկվել էր օրենքով գողի կարգավիճակից):

Ըստ օրենքով գողի շրջապատի մարդու, Կոբեշավիձեն օրենքով գող է և նման կոնֆլիկտները նրա կարգավիճակի հետ կապված հետաքրքրություններից դուրս է:
Ավելին, նրա կենսակերպի ինքնավարությունը բացառում է ինչ-ինչ հարցերի լուծում ուժային մեթոդների կիրառմամբ: Հակառակը, ցանկացած վիճելի իրավիճակ, դրանց լուծման միջոցների հասկացողության ու սովորության համաձայն, պետք է կարգավորվի փոխզիջում գտնելու ճանապարհով:
Ցավոք, կազմակերպված հանցավորության դեմ որոշ մարտիկների սխալ քաղաքականության շնորհիվ այդ լծակը մեկուսացվել էր, ինչը հանգեցրել էր հանցավոր և հետհանցավոր էլեմենտների, որոնց ամաչեցնող ու իրենց տեղը դնող չկա, անբարոյականությանը: Ե՛վ Կոբեշավիձեն, և՛ «Սոլոմա»-ն (հեղինակություն Վլադիմիր Սոլոմեննիկով) կոնֆլիկտին ոչ մի առնչություն չունեն, եթե ունենային՝ նման բան տեղի չէր ունենա:
Ըստ զրուցակցի, օրենքով գող Շաքրո Մոլոդոյի «հանձնարարությամբ» փողերի հետևից Ուրալ ժամանելու մասին պնդումները նախատեսված է բուլվարային դետեկտիվներ կարդացողների համար: Բանն այն է, որ գողի կարգավիճակը չի ենթադրում որևէ ենթակայություն և հանձնարարությունների կատարում: Բոլոր գողերն ինքնավար են և պահպանում են լիակատար հավասարություն, գոյություն չունի հստակ միջուկ և ղեկավարություն, չկա մշտական գործող գործառույթներ ու բաժանմունքներ: Գողը չի կարող հանձնարարել որևէ բան բնորոշմամբ գողին: Այս մարդկանց միավորումը տեղի է ունենում պատվի կոդեքսի սկզբունքների և ավանդույթների կարծր շրջանակների պահպանմամբ: Իշխանության կենտրոնացումը խորթ է նրանց համար, նրանք չեն պատճենահանում պետական կառավարման սկզբունքներն իրենց կյանքում:

Ինչպիսին է «Ավտո»-ի վերաբերմունքը ԶԼՄ-ների՝ իր հանդեպ ուշադրությանը՝ թշնամություն չկա, բայց կա հեգնանք:

Աղբյուր` Փաստինֆո