Փաստ ինֆո

Առողջապահության նախարարը կընդունի վերջին մեկ տարվա ընթացքում մահացած երեք երեք ծննդկանի՝ Մերի Մարգարյանի, Տաթևիկ Գասպարյանի և Հռիփսիմե Նազլուխանյանի հարազատներին։ Այսպիսի հայտարարությամբ է հանդես եկել Առողջապահության նախարարությունը:

Ինչպես տեղեկանում ենք ԱՆ մամլո խոսնակ Անահիտ Հայթայանի ֆեյսբուքյան էջից՝ հաշվի առնելով, որ նոյեմբերի 4-ին Ազգային ժողովում ՀՀ առողջապահության նախարարի կողմից հնչեցված խոսքը տարընթերցման տեղիք է տվել, Լևոն Ալթունյանն, ով այս պահին բացակայում է երկրից, պատրաստվում է վերադառնալուն պես՝ նոյեմբերի 8-ին, ընդունել վերջին մեկ տարվա ընթացքում մահացած երեք ծննդկանի՝ Մերի Մարգարյանի, Տաթևիկ Գասպարյանի և Հռիփսիմե Նազլուխանյանի հարազատներին։

Նախարարը մահացած ծննդկանների հարազատներից կլսի նրանց մտահոգող հարցերը՝ հնարավոր աջակցություն ցուցաբերելու նպատակով։ Նշեմ, որ Մերի Մարգարյանի հայրը օրերս եղել է ընդունելության ՀՀ ԱՆ աշխատակազմի ղեկավարի մոտ։

Կանխավ տեղեկացնեմ, որ նախարարությունում գործող մանկաբարձության և գինեկոլոգիայի խորհուրդը առաջին երկու ծննդականի մահվան հանգամանքները ժամանակին մանրամասն քննարկել է։

Լևոն Ալթունյանի հոկտեմբերի 21¬ի հրամանով ստեղծված մասնագիտական հանձնաժողովն այժմ ուսումնասիրում է Վանաձորի ԲԿ¬-ում արձանագրված մայրական մահացության դեպքը ՝ հիմնական պատճառները վեր հանելու, դրանք վերլուծելու համար։ Այս ուսումնասիրությունների նպատակն է գործող կանոնակարգերում, ուղեցույցներում անհարժեշտության դեպքում փոփոխություններ իրականացնել՝ հետագայում նման ելքերը հնարավորինս բացառելու նպատակով։ Այս գործընթացն իրականացվում է բացառապես առողջապահության նախարարության իրավասությունների ներքո և ունի մասնագիտական նշանակություն։

Նշված բոլոր 3 դեպքի կապակցությամբ իրականացվել է դատաբժշկական փորձաքննություն, այժմ գտնվում են քննչական մարմինների տիրույթում։

Եթե Ալթունյան Լևոնը նման բան է ասել, ապա ես նրան մինչ այդ չեմ ճանաչել. վարչապետը առողջապահության նախարարի մասին.tert.am

Հիշեցնենք, որ նախարար Ալթունյանը լրագրողների հարցին ի պատասխան ասել էր, թե մեկ-երկու մահացած ծննդկանի դեպքով չի զբաղվում, դրանով զբաղվում են դատական մարմինները. «Մահվան դեպքով զբաղվում է դատավորը և մորգը»:

Ի պատասխան Նախարարի՝ վերը նշված հայտարարության առնչությամբ լրագրողի հարցին՝ ՀՀ վարչապետ Կարեն Կարապետյանն էլ ասել էր. «Եթե Ալթունյան Լևոնը նման բան է ասել, ապա ես Ալթունյան Լևոնին մինչ այդ չեմ ճանաչել, իսկ ես նրան լավ եմ ճանաչում»: 

Աղբյուր` Փաստինֆո