Փաստ ինֆո

Եթե ցանկանոմ եք, որ հարաբերությունները երջանիկ ու ամուր լինեն, պետք է դրա վրա աշխատել: Չարժե մոռանալ մանրուքների մասին, խորհուրդ է տալիս ընտանեկան փսիխոթերապևտ Ջենիֆեր Ֆրիդը:

Woman’s Health ամսագրի մասնագետները հարցում են անցկացրել ընթերցող կանանց շրջանում և կազմել թոփ-7 հանգամանքները, որոնք կանանց երջանկացնում են և ստիպում էլ ավելի ուժգին սիրել իրենց ընտրյալին:

1. Գրեք սիրային երկտողեր

Եթե դուք ամուսնացած եք արդեն մի քանի տարի և թվում է թե զգացմունքները պաղում են, իսկ հարաբերությունները դառնում են ձանձրալի, փորձեք ձեր կնոջ պայուսակի մեջ՝ մինչև նրա աշխատանքի գնալը, դնել սիրո մասին հաճելի խոսքերով երկտող:

2. Ստիպեք նրան ծիծաղել

Սիրած կնոջն ուղարկեք զավեշտալի տեսահոլովակներ, ընթրիքի սեղանի շուրջ պատմեք նրան ուրախ պատմություններ և թույլ մի տվեք, որ նա տխրի:

3. Համբուրվեք կրքոտ՝ անչափահասների նման

Եթե անգամ դուք հոգնել եք կամ զայրանում եք իրար վրա, հիշեք այն մասին, թե ինչն է ստիպել ձեզ սիրահարվել: Համբուրեք ձեր կնոջն ագահորեն ու կրքոտ, ինչպես պատանեկության տարիներին, արեք դա հանկարծակի ու զգացմունքային: Նա կզգա, որ ինչ էլ որ պատահի, իրեն գնահատում ու սիրում են:

4. Լսեք նրան

Երբ որ տեսնում եք, որ կինը ինչ-որ բանից անհանգստացած է, իմացեք ինչ է պատահել, լսեք նրան, շրջապատեք նրան ուշադրությամբ ու հոգատարությամբ:

5. Հարգեք նրա անձնական տարածքը

Չնայած այն բանին, թե որքան ուժգին եք դուք իրար սիրում, ձեզնից յուրաքանչյուրի մոտ պետք է լինի իր անձնական տարածքը: Եթե նա ցանկանում է գիրք կարդալ կամ պարզապես ինքն իրեն մտածել, մի խանգարեք նրան անել դա, գնացեք զբոսնելու կամ խանութ, ֆիլմ դիտեք: Կինը ձեզ շնորհակալ կլինի:

6. Իջեցրեք զուգարանակոնքի նստարանը

Թեկուզ և դա մանրուք է թվում, սակայն կանանց հաճելի է նկատել, որ իրենց կոմֆորտի մասին հոգ են տանում, նույնիսկ նման մանրուքների հարցում:

7. Շփվեք նրա մոր հետ

Լավ հարաբերություններ պահպանեք ձեր սիրած կնոջ մոր հետ, հետաքրքրվեք նրա առողջությամբ և ընդհանրապես նրա գործերով: Կնոջ աչքերում նման հետաքրքրասիրությունը վկայում է այն մասին, որ տղամարդը հոգատար է և հուսալի:

Աղբյուր` Փաստինֆո