Փաստ ինֆո

Հայաստանի կենտրոնական բանկը 2014թ. տեղի ունեցած շոկերի պատճառով դրամավարկային քաղաքականության թուլացումը իրականացնում է աստիճանաբար, ընթացիկ հաշվի բարելավումը երկար ժամկետում ,ուպահպանել ինչպես նաև համար տնտեսվարողների և քաղաքացիների գնաճային սպասումները խարսխելու համար:

Ազգային ժողովում ՀՀ 2017թ. պետական բյուջեի նախագծի քննարկման ժամանակ այս մասին ասաց ՀՀ կենտրոնական բանկի նախագահի տեղակալ Ներսես Երիցյանը՝ պատասխանելով պատգամավոր Միքայել Մելքումյանի հարցին:

«Այս տեսակետից ﬔնք թուլացնում ենք քաղաքականությունն այն տրամաբանությամբ, որպեսզի այդ շոկերի ազդեցությունը լինի մեղմ: Մոտ ապագայում մենք նման շոկեր չենք կանխատեսում, բայց համաշխարհային տնտեսության ռիսկերը միշտ քննարկում ենք»,- «Արմենպրես»-ի հաղորդմամբ՝ նշեց Երիցյանը:

Պատգամավորի հարցին, թե դոլարի փոխարժեքի ներկայիս մակարդակը որքանո՞վ է օգնում արտահանմանը, Ներսես Երիցյանը պատասխանեց. «Հնարավոր չէ ասել՝ փոխարժեքի որևէ մակարդակ օգնո՞ւմ է արտահանմանը, թե ոչ:

Որովհետև իրական արդյունավետ փոխարժեքի հարց պետք է քննարկել: Նախ՝ շատ կարևոր է, թե որքանով են մեր գներն ավելի ցածր այլ շուկաների գների նկատմամբ: Այսօր մեր արտահանվող շուկաների նկատմամբ մեր գնաճը բավականին ցածր է, ինչն ավելի արժեզրկված է դարձնում փոխարժեքն արտահանման տեսակետից: Արտահանումը և ծավալներով, և գնային արտահայտությամբ էապես աճել է վերջին երկու-երեք տարում: Եվ արտահանման աճն է պատճառը, որ մենք ունենք մեր արտաքին հաշվեկշռի և ընթացիկ հաշվի բարելավում»,- ասաց Ներսես Երիցյանը:

ՀՀ ԿԲ նախագահի տեղակալը հավելեց, թե Արժույթի միջազգային հիﬓադրամը պնդել է, որ Հայաստանի տնտեսության համար փոխարժեքը հավասարակշռված մակարդակում է գտնում: Երիցյանն ընդգծեց, որ փոխարժեքը ոչ միայն արտահանման, այլ նաև սպառման, ներդրումների, երկարաժամկետ որոշուﬓերի համար էական նշանակություն ունի:

Լուսանկարը՝ Armenpress-ի

Աղբյուր` Փաստինֆո