Փաստ ինֆո

«Օրենքով գողերն» ընդհուպ անցել են «կրիմինալ գեներալ» Ռովշան Ջանիևի ժառանգության բաժանմանը: Դրան հավակնում են գողեր Հուսեյն Ահմադովը (Հուսեյն Սլեպոյ) և Մերաբ Ջանգվելաձեին (Մերաբ Սուխումսկի) մերձավոր հեղինակություններ:

Ըստ mzk1.ru-ի, ինչպես պատմել է իրավապահ մարմիններում աղբյուրը, վերջին տարիներին Ջանիևի դիրքերը Մոսկվայում շատ թուլացել էին, այնտեղ նա այնքան էլ շատ ակտիվներ չուներ: Ամենախոշորը դրանցից կանաչու, միրգ-բանջարեղենի վաճառքի մեծածախ շուկան է, որը հաճախ փոխում էր իր տեղակայման վայրերը, այժմ այն գտնվում է Վարշավյան խճուղու շրջանում:

Ջանիևի մահից հետո շուկան անցել է Ջանգվելաձե եղբայրների լրիվ վերահսկողությանը:

Շատ ավելի լուրջ ակտիվներ ուներ Ջանիևը Թուրքիայում, որտեղ նա բնակվում էր վերջին տարիներին: Դա մեծ թվով կոմերսանտներ ու ֆիրմաներ են, որոնք աշխատել են Ռովշանի «տանիքի» ներքո. հյուրանոցներ, թմրանյութերի մատակարարման ուղիներ և այլն:

Ըստ աղբյուրի, Ահմադովը մշտապես ուղեկցում էր Ջանիևին կոմերսանտների հետ բանակցությունների, տարբեր «ռազբորկաների» ժամանակ, բոլորից ավելի լավ գիտեր, թե ով և որքան էր վճարում Լյանքորանսկուն, ինչ օբյեկտներ ու ֆիրմաներ է վերահսկում:

Ուստի զարմանալի չէ, որ Հուսեյն Սլեպոյը ընկերոջ մահվանից հետո հայտնել է ժառանգության նշանակալի մասի նկատմամբ իր նկրտումների մասին, ինչպես նաև սկսել է այցելել գործարարներին՝ հայտարարելով, որ ինքը Ռովշանի ժառանգորդն է: Այդ նպատակով Մոսկվայից նույնիսկ «դուրս էր գրվել» չեչենցի գրոհայինների մեծ խումբ, որոնք Ահմադովի փաստարկները ավելի համոզիչ են դարձնում:

Սակայն Մերաբ Ջանգվելաձեն, որը միշտ համարվում էր Ռովշանի ավագ ընկերը, ժառանգության բաժանումից մի կողմ մնալ չցանկացավ: «Դեռևս ուղիղ կոնֆլիկտ Հուսեյն Սլեպոյի ու Մերաբի կլանի գողերի միջև չկա, սակայն ամեն ինչ դրան է գնում: Ռովշանի ժառանգության խաղաղ բաժանում չի ստացվում»,- ասել է գործակալության զրուցակիցը:

Հիշեցնենք, որ 2016թ. լույս օգոստոսի 18-ի գիշերը Ջանիևը ստամբուլյան հյուրանոցներից մեկի ռեստորանում հանդիպում էր իր բրիգադի անդամների հետ: Երբ նա փորձում էր մեքենայով հեռանալ շենքի մոտից, քիլլերները սպանել են նրան ու նրա համադասարանցուն, ով վարորդի գործառույթներ էր իրականացնում: Օգոստոսի լույս 19-ի գիշերը Ջանիևի մարմինը տեղափոխել են Ադրբեջան, որտեղ նրան հուղարկավորել են հայրենի Լյանքորանի գերեզմանատանը:

Աղբյուր` Փաստինֆո