Փաստ ինֆո

«Գողականների» շարքերին համալրում է սպասում, ըստ Ura.ru-ի աղբյուրի տեղեկատվության, մոտ ժամանակներս Ավթանդիլ Կոբեշավիձեն՝ Ավտո մականունով՝ Շաքրո Մոլոդոյի ուրալյան «էմիսարը», պատրաստվում է «թագադրել» նոր «ձգտողին»:

Պարբերականի տվյալներով, դեբյուտանտի տեղին հավակնում է տեղական մի հեղինակություն, ով հայտնի է որպես Դամիր Սորտիրովկայից: Հենց այդ Սորտիրովկան, որը գտնվում է «Տագանսկի ռյադի» շրջանում, քաջ հայտնի է իրեն՝ Կոբեշավիձեին: 2000-ականների կեսերին նա այնտեղ կողոպուտներով էր զբաղվում: Իսկ Դամիրը զբաղվում է զանազան հանցավոր ոլորտների «տանիքավորմամբ», այդ թվում՝ փողերի «լվացմամբ»: Կոբեշավիձեն հենց նրան է ընտրել նաև այն պատճառով, որ 11-ամյա նստոցի ընթացքում Դամիրը իր հավատարմությունն է ցույց տվել Ավտոյին՝ «օրենքով գողին» ֆինանսական օգնություն ցույց տալով:

Տարածաշրջանում «օրինականի» հայտնվելու անհրաժեշտությունն, պարբերականի կարծիքով, կարող է պայմանավորված լինել նրանով, որ 2016թ. օգոստոսին վերադարձած Կոբեշավիձեն չի պատրաստվում այնտեղ երկար մնալ: Ուրալում, որտեղ Զախարի Կալաշովի կլանի կողմնակիցներն ու հակառակորդները կարող են միավորվել, հանցավոր աշխարհում անկայուն իրավիճակի ժամանակատվածում Ավտոն ստիպված էր Եկատերինբուրգում տեղաշարժվել պահակախմբով: Մանավանդ որ 2004թ. նա արդեն ենթարկվել է մահափորձի՝ կացնով գլխին հարվածելու միջոցով: Դա տեղի է ունեցել անմիջապես այն բանից հետո, որ Դեդ Հասանը (նրա ժառանգորդն է համարվում Շաքրո Մոլոդոյը) «օրենքով գողի» կարգավիճակից զրկել է միանգամից երկու ազդեցիկ «օրինականների», որոնց պաշտպանում էին «ուրալմաշի» և «ցենտրովոյ» խմբավորումները՝ Անդրեյ Տրոֆիմովին («Տրոֆի») և Կարօղլի Մամեդովին («Կարո»): Այդ պատճառով, ինչպես պատմել է աղբյուրը, Կոբեշավիձեն մտադիր է մեկնել Կուրգանի շրջան կամ Հարավային Ուրալ, թողնելով իր փոխարեն ոմն «ժառանգորդի»:

Սկզբնապես նախատեսվում էր, որ Ավտոն, ով իսկապես Եկատերինբուրգում գտնվում է ժամանակավորապես, կկարողանա տեղ «մաքրել» մեկ այլ «օրինականի»՝ Գիա Ակոևի (Գիա Սվերդլովսկի) համար, ով կարող է բանտից դուրս գալ արդեն հաջորդ տարի: Սակայն հիմա պարզվել է, որ նրա թեկնածությունը ձեռք չի տալիս շատ հանցավոր խմբավորումների: Միաժամանակ Ավտոն պահպանում էր որոշակի ստատուս-քվո հանցավոր աշխարհում: Իրենց երախտագիտությունը նրան հայտնեցին նաև ադրբեջանական սփյուռքի որոշ ներկայացուցիչներ, ովքեր ավանդաբար հանդես էին գալիս Շաքրո Մոլոդոյի թշնամի, վերջերս սպանված Ռովշան Ջանիևի (Ռովշան Լենքորանսկի) կողքին: Ամսվա սկզբին հայտնի է դարձել, որ «ադրբեջանցիները» Ավտոյին բնակարան են նվիրել Եկատերինբուրգում:

Միաժամանակ պարբերականը հավելում է, որ Դամիրի կայացումը Սորտիրովկայից որպես «օրենքով գողի» մտնում է սցենարի մեջ, որը խաղարկվում է ուժայինների կողմից տարածաշրջանում ուժերի տեղաբաշխման առումով:

Աղբյուր` Փաստինֆո