Փաստ ինֆո

Ազգային ժողովի ՀԱԿ խմբակցության ղեկավար Լևոն Զուրաբյանն անդրադարձել է ԲՀԿ նախկին առաջնորդ Գագիկ Ծառուկյանի՝ քաղաքականություն վերադառնալու հնարավորությանը:

Ազգային ժողովում խորհրդարանական ճեպազրույցների շրջանակներում լրագրողների հետ հանդիպմանը Լևոն Զուրաբյանն ընդգծեց, որ չի ցանկանում շահարկումներով զբաղվել և խոսել դեռ չկայացած երևույթների մասին:

«Այն, որ նա խոսել է իր հնարավոր վերադարձի մասին, դա կայացած երևույթ է, սակայն վերադարձը դեռ կայացած չէ, ուստի ես չեմ ցանկանում խոսել չկայացած երևույթի մասին»,- «Արմենպրես»-ի հաղորդմամբ՝ նշեց Զուրաբյանը:

Դիտարկմանը, թե Ծառուկյանը հայտարարել է, որ եթե քաղաքական դաշտի կարկառուն դեմքերը չկարողանան հարցերին լուծում տալ, ինքը կվերադառնա, պատգամավորն արձագանքեց. «Եթե նրա մտահոգությունը դա է, ապա Ծառուկյանը կարող է հանգիստ լինել, քանի որ ՀԱԿ-ն իր ուժերին վստահ է»:

Հարցին, թե Ծառուկյանի վերադարձի դեպքում կհամագործակցե՞ն նրա հետ, Զուրաբյանը պատասխանեց. «Մենք հնարավոր համարում ենք ﬔր համագործակցությունն այն ուժերի հետ, որոնք իրենց առաջ դրել են իշխանափոխության նպատակ»:

Ճշտող հարցին, թե Ծառուկյանի օրինակը վատ նախադեպ չէ՞ նման համագործակցության համար, Զուրաբյանն արձագանքեց, որ շատ վատ նախադեպ է:

Լուսանկարը՝ Ֆոտոլուրի

Աղբյուր` Փաստինֆո