Փաստ ինֆո

Կրասնոդարում շուտով կսկսվի հայազգի օրենքով գող Արմեն Հարությունյանի, ով առավել հայտնի է որպես Արմեն Կանեվսկի, ստեղծած հանցավոր խմբավորման անդամների դատավարությունը:

Կրասնոդարի դատախազությունն օրերս հաստատել է հանցավոր խմբավորման 4 անդամների վերաբերյալ մեղադրական եզրակացությունը. նրանց մեղադրանք է առաջադրվել ՌԴ քրեական օրենսգրքի տարբեր հոդվածներով` զինված կայուն խմբին անդամակցելու (բանդիտիզմ), կազմակերպված խմբի կազմում շորթելու, կազմակերպված խմբի կազմում 4 անձի սպանության եւ ապօրինի զենք, ռազմամթերկ ձեռք բերելու, պահելու, կրելու համար:

Հաղորդվում է, որ Արմեն Կանեւսկին իր բանդան ձեւավորել է 2006 թվականին: Խմբավորման հիմնական նպատակը, ըստ նախաքննական մարմնի, եղել է տեղի գործարարների վրա քրեական վերահսկողության սահմանումը, 1990-ականների ոճով ռեկետ իրանականցնելը:

2006 թ. հոկտեմբերի վերջերին բանդան որպես զոհ է ընտրել արմավիրցի մի գործարարի, ումից պահանջել են ամսական 30 հազար դոլար` սպառնալով հաշվեհարդար տեսնել նրա եւ նրա ընտանիքի անդամների հետ: Գործարարը համարձակություն էր ունեցել հրաժարվել գողականների պահանջը կատարելուց` այդպիսով կնքելով իր մահվան դատավճիռը. 2007 թվականի հունվարին` սրճարանում, զինված խմբավորման անդամները գնդակահարել են նրան եւ նրա 2 ուղեկիցներին: Ավելի ուշ սպանվել է նաեւ գործարարի սպանությանը մասնակցած` հանցավոր խմբավորման անդամներից մեկը:

Նշվում է, որ հանցավոր խումբը փլուզվել է հիմնադրի` օրենքով գող Արմեն Հարությունյանի մահից հետո. նա մահացել է գաղութում` շաքարային դիաբետից:

Աղբյուր` Փաստինֆո