Փաստ ինֆո

Football365.com-ը ներկայացրել է այն 5 ֆուտբոլիստներին, որոնք գտնվում են սխալ ակումբներում: Դրանց թվում է «Մանչեսթեր Յունայթեդի» հայ կիսապաշտպան Հենրիխ Մխիթարյանը:

«Կարող ենք միայն հույս ունենալ, որ կգտնվի եւս մեկ ազատ աթոռ կիսապաշտպանների հանդիպման ժամանակ, որը հովանավորում է Ժոզե Մոուրինյուն: Հենրիխ Մխիթարյանը լավ կանի, եթե տեղավորվի Անդրե Շյուրլեի ու Խուան Կուադրադոյի միջեւ, իսկ Կեւին Դե Բրյույնեն նստած կլինի նրա առջեւ: Նա կարող է այնտեղ գտնել նույնիսկ Խուան Մատային, ով թաքնվում է դռան հետեւում: Մեմֆիս Դեպայը բոլորին կձանձրացնի 427-րդ անգամ կրկնելով, թե ինչպես Մոուրինյուն չի վստահում իրեն:

2015 թվականի սեպտեմբերի Շյուրլեն ասել է հետեւյալը. «Չգիտեմ, թե ինչու նա ինձ չի վստահում: Ոչ մի բացատրություն չստացա մարզչից: Չափազանց բարդ էր, քանի որ զգում էի՝ լավ եմ մարզվում, սակայն չէի հայտնվում թիմում: Տարօրինակ զգացողություն էր»:

Պատմությունը կրկնվում է, եւ նույնչափ տարօրինակ է նաեւ Մխիթարյանի դրությունը: Մոուրինյոն 26.3 մլն ֆունտ ստերլինգով ձեռք բերեց Բունդեսլիգայի նախորդ տարվա լավագույն խաղացողին, սակայն հայ կիսապաշտպանը դուրս է մնում կազմից: Վնասվածքից լիովին ապաքինվելուց հետո նա նույնիսկ չի ընգրկվում վերջին երկու խաղերի համար թիմի հայտացուցակում: Շատերը դեռ կասկածում են հանդերձարանից դուրս եկած տեղեկությանը, սակայն «Մխիթարյանը շոկի մեջ է ու ոչ երջանիկ «Օլդ Տրաֆորդում» խորագրերը միայն ուշադրություն գրավելու համար չեն:

Եթե Հենրիխը չի կարողանում մարզվել Կարինգտոնում, հնարավոր է, որ Մուհամեդ Սալահի մոտ արտասվում է՝ անիծելով Մոուրինուի անունը»,- գրում է կայքը:

Աղբյուր` Փաստինֆո