Փաստ ինֆո

Կառավարությունն ստանձնելու է բիզնես միջավայրը խթանողի դեր, ստեղծվելու է ներդրումային հիմնադրամ, որպեսզի բիզնեսի հետ համատեղ մասնակցի որոշակի նախագծերի մեջ: Այսօր նման հայտարարությամբ է եկել ՀՀ վարչապետ Կարեն Կարապետյանը` հեռուստաընկերությունների տված հարցազրույցում:

Արձագանքելով այն հարցին, թե կառավարության ծրագրի հետ կապված գնահատականներ են հնչել, թե հիմնականում ընդհանուր ձևակերպումներ են, այսինքն՝ որոշակիություն չկա:

Չհամաձայնելով, որ ծրագիրն ընդհանուր է` վարչապետն արձանագրել է. «Փորձեմ բաժանել փուլերի՝ ինչ ենք փորձել մենք հաղորդել մեր հասարակությանը: Նախ և առաջ մենք ասել ենք, որ պետք է փոխվենք և սկսենք մեզանից: Կառավարման մեթոդները, որոշում կայացնելու պրակտիկան, համակարգը բոլոր ոլորտներում՝ թե´ գնումներ, թե´ որոշման կայացում, կոլեգիալ լիազորություններ, նախարարների պատասխանատվություն, այդ ամենը կանոնակարգելու դեպքում մենք կարող ենք ռեալ ախտորոշել այն պրոբլեմները, որ կանգնած են մեր տնտեսության, մեր երկրի առջև: Ենելով արդեն նոր կառավարման ձևավորված համակարգից՝ փորձենք տալ լուծումները: Բայց կառավարության համար առաջին խնդիրը ես տեսնում եմ, որպեսզի բիզնեսին, ստեղծագործ մարդուն, ակտիվ մարդուն չխանգարի»:
Երկրորդ կարեւոր մեսիջը, ըստ վարչապետի վերաբերում է տնտեսությանը: «Հաշվի առնելով հանրության հուսալքությունն ասեմ, թե ոչ ակտիվ լինելը, հիմնականում այս պահին նկատի ունեմ մեր բիզնես միջավայրը, մենք հայտարարել ենք, որ մենք այստեղ որոշակի խթանողի դեր ենք կատարելու, ստեղծելու ենք ներդրումային հիմնադրամ, որպեսզի բիզնեսի հետ համատեղ մասնակցենք որոշակի նախագծերի մեջ, որպեսզի աշխուժություն մտցնենք», - նշել է վարչապետը:
Կ.Կարապետյանը քաղաքացուն, մեր երեխաներին, մեր հաջորդ սերնդին կրթելը` նշելով, որ «վաղվա օրը գրագետ մարդու օր է»:

Վարչապետը նաեւ նշել է, որ սոցիալական ոլորտի մասով կառավարության ծրագիրը ներկայացնելիս նաեւ ասել են, թե այսօրվա մեր կարողություններով ինչպե՞ս ենք վերաբաշխում իրականացնելու սոցիալապես խոցելի խավերի մոտ: Առաջնայինը, բոլորն էլ առաջնային են:

«Վեց-յոթ ամիս հետո մեզ սպասում են ընտրություններ: Քիչ առաջ խոսելիս մեր գործընկերն ասաց, որ Կառավարության ծրագրի մեջ կան կետեր, որոնք դեկլարատիվ են: Ես ուրախ կլինեի լսել՝ ոնց կարելի է այդ մասը ոչ դեկլարատիվ ասել: Ռեալ, մենք պահեր ունենք, որ դեկլարատիվ պետք է հայտարարենք, ասենք, պետծառայողի կերպարի փոփոխություն, հարկայինի և այլն կերպարի փոփոխություն: Այս ընտրությունները և սպասումները որոշակի առումով խանգարում են, որպեսզի արձագանք լինի: Ես վստահ եմ, որ հասարակության մեջ կա հետևյալ կարծիքը. եկեք սպասենք՝ ինչ, որ հայտարարում է, տեսնենք կլինի, թե չի լինի, վեց-յոթ ամիս հետո ինքը կլինի, թե չի լինի, և վեց-յոթ ամիս հետո մենք նոր կարձագանքենք՝ գնանք այս քայլերին, թե չէ: Կարծում եմ՝ այս հինգ-վեց ամիսը լինելու է բավական պասիվ սպասումներով: Կցանկանայի՞, որ պասիվ չլիներ՝ շատ», - հայտարարել է վարչապետը:

Աղբյուր` Փաստինֆո