Փաստ ինֆո

«Փաստինֆո»-ին նոր տեղեկություններ են հայտնի դարձել սեպտեմբերի 7-ին Կոնգրես հյուրանոցի 6-րդ հարկից ցած նետված՝ Բեյրութից շրջագայության նպատակով Հայաստան եկած 34-ամյա կնոջ ինքնասպանության վերաբերյալ:

Կինը Հայաստան էր ժամանել դեպքից օրեր առաջ՝ ամուսնու և դստեր հետ, նրանք բնակվել են կենտրոնում վարձակալական հիմունքներով, անգամ վերադարձի տոմս են գնած եղել:
Ազգությամբ հայ ամուսինները դեպքի օրը Կոնգրես հյուրանոց են գնացել Լիբանանից Հայաստան ժամանած իրենց ընկերներին տեսակցելու, ովքեր ևս ազգությամբ հայ են և հանգրվանել էին հյուրանոցում:

Սակայն այս հյուրընկալությունը ողբերգությամբ է ավարտվել, կինը պատշգամբից իրեն ցած է նետել, դեպքից անմիջապես հետո նրան տեղափոխել են հիվանդանոց, սակայն վերջինս գիտակցության չգալով մահացել է:

Ըստ մեր տեղեկությունների՝ երիտասարդ կինը հոգեկան առողջության հետ կապված խնդիրներ է ունեցել, Լիբանանում նա որպես հոգեկան հիվանդ հաշվառված է եղել և դեղորայք է ընդունել:

Պարզվում է, որ երիտասարդ կինը նախկինում ևս մի քանի անգամ ինքնասպանության փորձ է կատարել:

Աղբյուր` Փաստինֆո