Փաստ ինֆո

2016թ. առաջին կիսամյակում դատարաններում քննված զինվորական հանցագործությունների վերաբերյալ 7 քրեական գործերով կայացվել են արդարացման դատավճիռներ։ Նկատենք, որ առաջին կիսամյակում դատարան ուղարկված քրեական գործերի թիվը կազմում է 253` 384 անձի նկատմամբ

7 արդարացման դատավճիռներից 6-ը կայացվել է առաջին ատյանի, իսկ 1-ը` վերաքննիչ դատարանի կողմից: 7 գործերից 3-ը եղել են մասնակի արդարացման դատավճիռներ:

Քրեական գործերից 3-ը վերաբերել է անդամախեղմանը (ՀՀ քրօրենգրքի 363-րդ հոդված,  1-ական` 112-րդ (ծանր մարմնական վնաս  պատճառելը), 340-րդ (սուտ ցուցմունք, կեղծ եզրակացություն տալուն հակադրելը), 375-րդ (իշխանության չարաշահում) և համակցությամբ 325-րդ (փաստաթղթեր կեղծելը, իրացնելը, օգտագործելը) 38-327-րդ (զինվորական ծառայությունից խուսափելուն հանցակցելը) հոդվածներով նախատեսված հանցագործությունների դեպքերի առթիվև

Վիճակագրական տվյալների համաձայն՝ առաջին ատյանի 6 դատավճիռներից 5-ը դատախազները բողոքարկել են վերաքննիչ դատարան, որոնցից 3-ը մերժվել է, իսկ 2-ով դատաքննությունը շարունակվում է:

Ուսումնասիրությունները ցույց են տվել, որ դատարանների որոշման համար հիմնականում հիմք է հանդիսացել դատաքննությամբ հետազոտված ապացույցների գնահատումը:

Աղբյուր` Փաստինֆո