Փաստ ինֆո

ԼՂՀ պաշտպանության բանակ զորակոչված և զինհոսպիտալում մահացած նորակոչիկ Նորայր Սահակյանի գործով երկար ընդմիջումից հետո դատական նիստերը վերսկսվեց և հետաձգվեց:

Ավելի վաղ տեղեկացրել էինք, որ գործով նշանակվել էր լրացուցիչ հանձնաժողովային դատաբժշկական փորձաքննություն, որի պատասխաններն արդեն ստացվել է և դատարանը այսօրվա նիստում նախատեսում էր տրված եզրակացության շուրջ հարցաքննել փորձագետ Գագիկ Հարությունյանին, սակայն այսօրվա նիստը հետաձգվեց, քանի որ Արկադի Չախոյանի պաշտպան Գեղամ Հակոբյանը դատարանին տեղեկացրել էր, որ քննչական գործողության է մասնակցելու և խնդրել էր նիստը հետաձգել նշանակելով մեկ այլ հերթի:

Այսօրվա նիստին չէին ներկայացել նաև ամբաստանյալներ Վարուժան Մանասյանը և Մհեր Դավիդյանցը, դատարանը նրանց բացակայությունն անհարգելի համարեց և նկատողություն հայտարարեց, սակայն դատական նիստին ավարտին Մհեր Դավիդյանը ներկայացավ նշեց, որ հիվանդանոցից է գալիս այդ իսկ պատճառով փոքրի ինչ ուշացել է:

Ըստ մեղադրանքի՝ Կարեն Ջուլհակյանը հանդիսանալով պաշտոնատար անձ, ծառայության մեջ գտնվելով ՀՀ ՊՆ N զորամասում որպես գինեկոլոգիական բաժանմունքի ավագ օրդինատոր, կոչումով մայոր,21.12.2012թ.-ին ՀՀ ՊՆ հավաքակայանի բուժկետում որպես հերթապահ բժիշկ հերթապահություն իրականացնելիս, անփույթ վերաբերմունք է ցուցաբերել իր ծառայության նկատմամբ, որն անզգուշությամբ առաջացրել ծանր հետևանք։

Մահացած նորակոչիկի ախտորոշումը հոսպիտալում ճիշտ է դրվել, սակայն վիճակի գնահատումը ճիշտ չի եղել. Փորձագետ

Ըստ Մհեր Դավիդյանցին առաջադրված մեղադրանքի՝ նա հանդիսանալով պաշտոնատար անձ, ծառայության մեջ գտնվելով ՊԲ N զորամասում որպես բաժանմունքի պետ, կոչումով լեյտենանտ, 22.12.2012թ. անփույթ վերաբերմունք է ցուցաբերել իր ծառայության նկատմամբ, որն էլ անզգուշությամբ առաջացրել է ծանր հետևանք։

Իսկ Արկադի Չախոյանին մեղադրանք է առաջադրվել այն բանի համար, որ նա, հանդիսանալով պաշտոնատար անձ, ծառայության մեջ գտնվելով ՊԲ N զորամասում որպես թերապևտիկ բաժանմունքի ավագ օրդինատոր, իսկ 20.12.2012թ. նաև զբաղեցնելով թերապևտիկ բաժանմունքի պետի պաշտոնի ժամանակավոր կատարողի պաշտոնը, կոչումով լեյտենանտ, 22.12.2012թ. զորամասում որպես հերթապահ բժիշկ, հերթապահություն իրականացնելիս անփույթ վերաբերմունք է ցուցաբերել իր ծառայության նկատմամբ, որն էլ անզգուշությամբ առաջացրել է ծանր հետևանք։

Վարուժան Մանասյանին էլ մեղադրանք է առաջադրվել այն բանի համար, որ նա ծառայելով ՊԲ հավաքակետում որպես բուժկետի պետ-բուժակ, կոչումով ենթասպա, 21.12.2012թ. գործուղման մեջ գտնվելով որպես շարասյան ավագ և հանդիսանալով պաշտոնատար անձ, անփույթ վերաբերմունք է ցուցաբերել իր ծառայության նկատմամբ, որն անզգուշությամբ առաջացրել է ծանր հետևանքներ։

Կարեն Ջուլհակյանին, Արկադի Չախոյանին և Վարուժան Մանասյանին մեղադրանք է առաջադրվել ՀՀ քրեական օրենսգրքի 376-րդ հոդվածի 2-րդ մասով, իսկ Մհեր Դավիդյանցին՝ 376-րդ հոդվածի 2-րդ մասով և 314-րդ հոդվածով:

Աղբյուր` Փաստինֆո