Փաստ ինֆո

ՀՀ էկոնոմիկայի նախարարի պաշտոնակատար Արծվիկ Մինասյանի համար ցանկալի չէ իր գլխավորած գերատեսչությունը Ներդրումների և ձեռնարկատիրության աջակցման նախարարության վերակազմավորելու նախաձեռնությունը:

«Բնականաբար, որպես էկոնոմիկայի նախարարի ժամանակավոր պաշտոնակատարի՝ ինձ համար ցանկալի չէ «էկոնոմիկա» բառը հանելը, առավել ևս, որ ես էկոնոմիկան պատկերացնում եմ, որպես ավելի լայն, քան ներդրումներն են կամ ձեռնարկատիրության աջակցությունը»,- «Արմենպրես»-ի հաղորդմամբ՝ կառավարության նիստում նշեց Մինասյանը`ավելացնելով, որ իրեն մտահոգում են մի քանի հարցեր, որոնք այսօր էկոնոﬕկայի նախարարության տիրույթում են, բայց անվանման մեջ դրանք չեն երևում:

«Մասնավորապես՝ առևտրի հատվածը, արտաքին առևտուրը, որը ներդրումների հետ միասին համարվում է մեր երկրի տնտեսության հիմնական շարժիչ ուժը: Գուցե այն այլ նախարարություն է գնալու, կամ մնալու է, կխնդրեի, որ անվանման մեջ այդ շեշտադրումը լինի»,- ասաց Արծվիկ Միանսյանը` հավելելով, որ Էկոնոմիկայի նախարարության ենթակայությունից ՏՏ ոլորտը Կապի և տրանսպորտի նախարարության ենթակայությանը հանձնելը նույնպես իր համար
ցանկալի չէ:

«Բարձր գնահատելով կապի և տրանսպորտի նոր նախարարի բարձր կարողությունները և նրա վերաբերյալ դրական կարծիքը՝ ՏՏ ոլորտում, ցանկալի է,որ այդ ոլորտը չդիտարկվի որպես զուտ ծառայությունների ոլորտ, որովհետև ՏՏ ոլորտը ներկայումս ընկալվում է որպես արդյունաբերություն»,- ընդգծեց Մինասյանը:

Արձագանքելով, ՀՀ վարչապետ Կարեն Կարապետյանը հայտարարեց, որ «էկոնոմիկա» բառն է ընդաﬔնը հանվում նախարարության անվանումից, սակայն գործառույթը մնում է:

«Մենք ընդամենն ակցենտն ենք փոխում, որ ներդրողը հասկանա` ինչ հասցեով պետք է դիմի: Նախարարության անվանման մեջ չկա «առևտուր» բառը, բայց Էկոնոմիկայի
նախարարության մեջ էլ չկա առևտուր բառը, բայց ձեր նախարարությունը զբաղվում էր չէ՞ առևտրով»,- նկատեց Կարապետյանը:

Աղբյուր` Փաստինֆո