Երկրի անկախությունը նրա մարդկանց ներքին անկախությունն է. Հովհաննես Մանուկյան

ԲՈԼՈՐ ՆՅՈՒԹԵՐԸ

Բոլորը

11/22/2024 17:59 «Ֆազ»-ը սպանվել է գլխի շրջանում ստացած հրազենային վնասվածքներից. Մեղադրյալներն են՝ «Չաղ Ռուստամը» և Աշոտ Կուրեղյանը. Հայտնի է ով կքննի 11/22/2024 18:36 Դժբախտ պատահարի հետևանքով մաhաgել է Հայաստանի կարատեի առաջնությունների բազմակի չեմպիոն Մկրտիչ Ղազարյանը 11/21/2024 21:29 Վարորդը մահացել է, ուղևորները տեղափոխվել են հիվանդանոց 11/22/2024 15:19 Հաջիևն ասել է՝ ինչ պայմանով հայերը կարող են վերադառնալ Արցախ 11/21/2024 21:51 Արմավիրի մարզում տեսախցիկն արձանագրել է «BMW»-ի և ջերմաքարշ գնացքի բախումը. քննչական բաժինն ու ոստիկանությունն էլ պարզել են մահացածի ինքնությունը 11/21/2024 18:45 Շատ ճիշտ գնահատական է, կամավորականությունը պետություն չունենալու մասին է. Մովսես Հակոբյան 11/22/2024 15:04 Քաղաքապետարանի աշխատակիցները բռնի ուժով իջեցրին ավտոբուսից. TelCell-ի ապարատը կտրոն չի տալիս, ես էլ 100 դրամանոց չունեի.Ահազանգ բնակչից 11/21/2024 16:37 Ռոմանոս Պետրոսյանը կփոխարինի՞ Ռուտամ Բադասյանին 11/21/2024 20:20 Պետական դավաճանության մեջ մեղադրվող տղամարդն ինքնախոստովական ցուցմունքը տվել է ԱԱԾ-ում ծեծի ենթարկվելուց հետո․ նրան դիմակավորված անձինք ձերբակալել են 7 տարեկան երեխայի աչքի առաջ. պնդում է կինը 11/21/2024 14:49 Երեք օրվա ընթացքում Ֆրանցիսկոս Պապին երկու անգամ ողջունելու հնարավորությամբ ինձ իսկապես օրհնված եմ զգում. Աննա Հակոբյան 11/22/2024 23:07 Խոշոր ավտովթար՝ Երևանում. բախվել են «Toyota»-ն ու «Mercedes GLE»-ն, վերջինս կոտրել է խաչմերուկը կարգավորող լուսակիրը ու հայտնվել հետիոտնի անցման վայրում. կան վիրավորներ 11/22/2024 10:50 Ողբերգական վթար Երևանում.մահացածը մոտոցիկլի վարորդ պարեկն է. shamshyan.com 11/21/2024 20:36 Հեղափոխությունը մտնում է «յակոբինյան» փուլ. Փաշինյանն էլ չգիտեր, որ պետք է հեռացնի այդ մարդկանց․ Շարմազանով (Տեսանյութ) 11/22/2024 08:09 Հովիկ Աղազարյանը անհարմար դրության մեջ է դրել Նիկոլ Փաշինյանին. «Ժողովուրդ» 11/22/2024 20:19 Մեծ տոկոսը կտրելու եմ կացնային ձեւով. Փաշինյան 11/22/2024 08:19 3 միլիոն դրամը փող չԷ՞․ «Հրապարակ» 11/21/2024 20:35 Ինչ ժառանգություն թողեց Վահե Ղազարյանը 11/21/2024 17:04 Կարեն Սարուխանյանը շարունակո՞ւմ է մնալ Գյումրիի քաղաքապետի՝ ՔՊ-ի թեկնածուն. Էմմա Պալյանը՝ Սարուխանյանի մասին գյումրեցիների կարծիքի վերաբերյալ 11/21/2024 16:15 Ով էր ճեպազրույցի ժամանակ զանգել Զախարովային 11/22/2024 16:37 Բեռնատարն ընկել է Որոտան գետը ․ կա զոհ

Երկրի անկախությունը նրա մարդկանց ներքին անկախությունն է. Հովհաննես Մանուկյան 09/21/2016 13:12 | ԼՐԱՀՈՍ

Դժվարություններն անցողիկ են, մեր տունը, քաղաքը, հողն ու ժողովուրդ են մշտական, տեր կանգնենք մեր ամենամեծ հարստությանը…: Այս մասին իր ֆեյսբուքյան էջում գրառում է թողել ՀՀ արդարադատության նախկին նախարար Հովհաննես Մանուկյանը:

Նախկին նախարարը անդրադարձ է կատարում շատ տարիներ առաջ, Խորհրդային Միության փլուզման ժամանակներում նկարահանված մի սատիրային տեսահոլովակի, որի սյուժեն սովետական տոտալիտարիզմի բնորոշիչներից մեկի՝ հարմարվողականության քննադատությանն էր ուղղված:
Մասնավորապես, ինչ-որ կոլեկտիվի ժողովում միանձնյա ԿՈՂՄ քվեարկած կոլեկտիվի յուրաքանչյուր անդամ ժողովի սենյակից դուրս գալուց արդարանում էր. «Իսկ ի՞նչ կարող էի ես անել միայնակ»: Ընդ որում, այդ տեքստը վանկարկողների շարքը գնալով խտանում էր, դրանք դառնում էին տասնյակներ, հարյուրավորներ, հազարավորներ, լցնում էին ամբողջ փողոցներ ու հրապարակներ...

Եվ հիմա, նշում է Հովհաննես Մանուկյանը, անկախության նախորդ տարիներին և նաև մեր օրերում, երբ լսվում են լալահառաչ տրտունջներ, թե ԵՐԿԻՐԸ ԵՐԿԻՐ ՉԷ, ՈՉԻՆՉ ՉԻ ՓՈԽՎԵԼՈՒ, ԻՆՁՆԻՑ ԲԱՆ ԿԱԽՎԱԾ ՉԷ, ԵԹԵ ԲԱՆ ՉՓՈԽՎԻ՜ ԿԳՆԱՄ ԵՐԿՐԻՑ, ակնհայտ է դառնում ԱՆԿԱԽՈՒԹՅԱՆ գիտակցության ոչ լիարժեք ընկալումը:

«Անկախությունը մեր ազգին նվեր չէ, երկնային մանանա չէ ու օրհնության որևէ ծանոթ տեսակ էլ չէ… Ինչպես մեր երրորդ հանրապետության առաջին նախագահը կասեր. «... չպետք է մտածել, թե մենք ծաղիկներով, թմբուկներով, սրինգներով և փողերով պետք է նվաճենք այդ անկախությունը։ Ոչ, անկախությունը տքնաջան աշխատանք է, վճռական պայքար, և, դժբախտաբար, ուղեկցվում է կորուստներով։ Առանց կորուստների, առանց զոհերի դեռևս աշխարհում ոչ մի ժողովուրդ ձեռք չի բերել իր ցանկալի անկախությունն ու ազատությունը»:

Արհավիրքների, սադրանքների, վերելքի ու վայրէջքի մի ամբողջ 25 տարի է անցել այն օրից, երբ միասնաբար ԱՅՈ ասացինք անկախությանը: Այս տարիների ընթացքում շատ բաների պակաս զգաց մեր ժողովուրդը, միայն քննադատության ու կասկածամտության պակաս չկար:

«Խոսքով տարվելու ու կարևորը բաց թողնելու բնավորությունը մեր նկարագրի մի մասն է ցավոք, և 25 տարվա մեջ ավելորդ ժամանակ շատ վատնեցինք ստեղծելու, նորացնելու, արարելու փոխարեն:

Արտաքին աշխարհին մեր երկրի տեղն ու նշանակությունը ցույց տալու լավագույն բանաձևը 25 տարի անց էլ դեռ չենք գտել, անկեղծ ասած հասկանալի էլ չէ, փնտրու՞մ ենք, թե դադարել ենք: Նորանկախ շատ երկրների նման կայուն ու լսելի ձայն ունենալու մեր ուղեցույցներն էլ դեռ գրվում ու խմբագրվում են…

Բայց չմոռանանք, որ մենք տարբերվում ենք աշխարհից դժբախտության ու փորձանքի դեպքում համախմբվելու ֆանտաստիկ ֆենոմենով, հայրենասիրությունը փորձարկող ցանկացած առիթով՝ արձագանքման կայծակնային արագությամբ:

Մենք ներում ենք ու մոռանում բոլոր հիասթափությունները և ձեռք ենք մեկնում իրար: Ժամանակավորապես դադարեցնում ենք 2 հայրենիքի՝ հայաստանցի ու արցախցի լինելու մեր կերտած արգելապատնեշներն ու դրանցով կամուրջ գցում՝ նետվելով կյանքեր փրկելու:

Զարմանալ կարելի է, թե ինչպես է արցախցին իր հացի բերքի առատությունը կիսում կարկուտներից ձեռնունայն մնացած հայաստանցու հետ, ով առանց վարանելու իր վերջին ունեցածն էր ուղարկել քառօրյա պատերազմի սպիները բուժելու համար:

Երկրի անկախությունը նրա մարդկանց ներքին անկախությունն է: Դա ոչ միայն ազատության գիտակցումն է, այլև, ինչն ավելի էական է՝ յուրաքանչյուրի պատասխանատվության զգացողությունն այդ անկախության համար»,- նշում է Հովհաննես Մանուկյանը:

Լուսանկարը՝ Armenpress-ի

Աղբյուր` Փաստինֆո