Փաստ ինֆո

Արցախի Հանրապետության վարչապետ Արայիկ Հարությունյանը շնորհավորական ուղերձ է հղել Հայաստանի Հանրապետության վարչապետ Կարեն Կարապետյանին՝ վարչապետի պաշտոնում նշանակվելու կապակցությամբ:

 Ինչպես հաղորդում են ԱՀ կառավարության աշխատակազմի տեղեկատվության և հասարակայնության հետ կապերի բաժնից, ուղերձում, մասնավորապես, ասված է.

«Հարգարժա՛ն պարոն Կարապետյան,

Ընդունե՛ք սրտանց շնորհավորանքներս ու բարեմաղթանքներս՝ ՀՀ վարչապետի պատասխանատու պաշտոնում նշանակվելու առթիվ:

Համոզված կարող եմ պնդել, որ Ձեր գործունեության ողջ ընթացքում պատասխանատվությամբ և սրտացավորեն եք վերաբերվել հայրենիքին և հայ ժողովրդին, ինչն իրենց վրա բազմիցս զգացել են նաև Արցախի Ձեր հայրենակիցները:

Կասկած չունեմ, որ արժանապատվորեն կարդարացնեք հայ ժողովրդի և ՀՀ իշխանությունների վստահությունն ու սպասելիքները: Հաշվի առնելով Ձեր անցած ուղին, մասնագիտական ու կառավարչական մեծ փորձն ու հմտությունները և մարդկային որակները՝ վստահ եմ, որ այս աշխատանքում ևս Ձեր ողջ ներուժն ի սպաս եք դնելու հայրենիքի զարգացման և մեր ժողովրդի բարեկեցության մակարդակի բարձրացման ռազմավարական գործին:

Մաղթում եմ, որ հաջողություններն ուղեկցեն Ձեր ստանձնած առաքելությանը՝ հանուն հայոց պետականության ամրապնդման և հայ ազգի հարատևման»:

Աղբյուր` Փաստինֆո