Փաստ ինֆո

Հաջողությամբ անցկացված փորձերը վկայում են, որ գիտությունը կարող է հասնել նրան, որ երեխաները ծնվեն առանց ձվաբջջի մասնակցության: Այս մասին հաղորդում է BBC-ի ռուսական ծառայությունը:

Համաձայն Nature Communications ամսագրում հրապարակված հետազոտությունների արդյունքների, արդեն հաջողվել է հասնել առողջ մկների ծննդին՝ «համոզելով» սպերմատոզոիդներին, որ իրենք նորմալ ձվաբջիջ են բեղմնավորում:

Դա նշանակում է, գտնում են գիտնականները, որ հեռավոր ապագայում երեխաների ծննդյան պրոցեսը կարող է հնարավոր դառնալ առանց կանանց մասնակցության:

Բրիտանական Բաթ քաղաքի համալսարանի գիտնականներն իրենց փորձերը սկսել են չբեղմնավորված ձվաբջիջից: Տարբեր քիմիական նյութերի օգնությամբ նրանց հաջողվել է «խաբելով» այն վերածել պսեվդոէմբրիոնի:

Նման պսեվդոէմբրիոնները շատ բանով նման են սովորական բջիջների, ինչպիսիք են մաշկի բջիջները: Նրանք կարող են տրոհվել և վերահսկել իրենց ԴՆԹ-ն:

Գիտնականները ենթադրում են, որ եթե սպերման մկների նման պսեվդոէմբիոնների մեջ մտցնելու ճանապարհով հաջողվի առողջ մկնային սերնդի ծնունդը, ապա դա նշանակում է, որ ապագայում նման արդյունքի կարելի է հասնել նաև ոչ ձվաբջիջից ստացված մարդկային բջիջներում:

Մկների նկատմամբ փորձերի համաձայն, հաջող հղիության հավանականությունը կազմել է 25%:

Փորձերի արդյունքում ծնված մկները առողջ են եղել, կյանքի նորմալ տևողություն են ունեցել և ունակ են եղել առողջ սերունդ ծնել:

Աղբյուր` Փաստինֆո