Փաստ ինֆո

Մոդայի միտումներն այնքան արագ են փոփոխվում, որ երբեմն հեշտ է խճճվել նորույթների ու տրենդների բազմազանության մեջ: 

Ըստ AdMe.ru-ի՝ համընդհանուր հիացմունք կապահովվի 2016թ. աշուն-ձմեռ սեզոնի հետևալ 7 ամենամոդայիկ գույների օգնությամբ՝

մուգ կապտականաչ ու դրա երանգները՝ զմրուխտագույնից մինչև փիրուզագույն, անկասկած, 2016թ. աշուն-ձմեռ սեզոնի գլխավոր գույներն են: Ազնվականական, թանկ, շքեղ գույները չեն կարող չուրախացնել ցանկացած մոդայամոլուհու: Ընտրեք ծանր, ճառագայթող կտորներ՝ ընդգծելու համար այդ գույնի խորությունը,

մարգարտավարդագույնը կանացիության մարմնացումն է: Այն համադրեք սպիտակի, բորդոյի, սևի կամ նույնիսկ մուգ կանաչի հետ: Ընտրելով այդ գույնի հագուստ՝ դուք կընդգծեք ձեր նրբագեղությունն ու էլեգանտությունը,

արիստոկրատական կապույտ՝ հատկապես շահեկան են նայվում շքեղ մուգ կապույտ գույնի մորթին, կաշին ու զամշը: Դուք տանուլ չեք տա, եթե ընտրեք այդ արքայական գույնի դիմիսեզոնային կուրտկա կամ դուբլյոնկա: Ավելի լավ է այդ երանգը համադրել սպիտակի, օրանժի և սևի հետ,

Բորդոյի այդ նրբերանգն անվանում են տարբեր կերպ՝ մարսալա, գինու գույն, բուրգունդի: Հարկ է նշել, որ այդ գույնը ունիվերսալ է: Դրանում դուք գերազանց տեսք կունենաք և՛ օֆիսում, և՛ ռոմանտիկ ժամադրության ժամանակ:

Օրանժի բոլոր երանգները: Թերևս չափազանցություն չի լինի ասել, որ օրանժը և դրա բազմաթիվ երանգները՝ նարնջագույնից մինչև սաթեգույնը այս սեզոնի must have գույներն են: Համադրեք օրանժը սևի, սպիտակի և կրեմագույնի հետ, և դուք այս աշնանը անդիմադրելի կլինեք,

մանուշակագույն և կարմրակապտագույն՝ մանուշակագույնը մոդայիկ արդյունաբերության մեջ այս տարի հետին պլան է մղվում: Սակայն չարժե լրիվ անտեսել այդ գույնը՝ ավելի լավ է համադրել այն այլ մոդայիկ երանգների հետ, օրինակ՝ մուգ կապույտի հետ, կամ ընտրել բաց կամ մուգ մանուշակագույնի երանգների աքսեսուարներ՝ պայուսակներ, շարֆեր, գլխարկներ,

արքայական կապույտն, ինչպես նաև էլեկտրիկ և ուլտրամարին երանգները այս սեզոնում մոդայի բարձունքում են: Վառ, կպչուն և փոքր-ինչ ծակող երանգները համընդհանուր ուշադրություն են գրավում: Այդ գույնի վերարկուով աղջկա կողքից անցնելը պարզապես անհնարին է:

Աղբյուր` Փաստինֆո