Փաստ ինֆո

Ermenihaber.am-իը գրում է, որ Թուրքիայում ավստրիացի հնագետներին թույլ չեն տվել շարունակել պեղումները Իզմիր նահանգի Սելչուկ շրջանում գտնվող հնագույն Եփեսոս քաղաքի տարածքում: Ըստ թուրքական «Birgun» թերթի կայքի` պեղումների դադարեցման պատճառը վերջին շրջանում լարված թուրք-ավստրիական հարաբերություններն են:

Թուրքիայի արտաքին գործերի նախարարության կողմից օգոստոսի 31-ին տարածված գրավոր հայտարարության մեջ նշվում է, որ չնայած պեղումների ավարտին մնացել է 2 ամիս, այնուամենայնիվ, աշխատանքները դադարեցվում են:

Եփեսոս քաղաքը ՅՈւՆԵՍԿՕ-ի համաշխարհային ժառանգության կառույցների շարքին է պատկանում: Այնտեղ է գտնվում աստվածուհի Արտեմիսի տաճարը, որը աշխարհի յոթ հրաշալիքներից մեկն էհանդիսանում: Ավստրիայի հնագիտության ինստիտուտի գիտնականները արդեն ավելի քան 100 տարի Եփեսոսում պեղումներ են կատարում: Աշխատանքները դադարեցվել են միայն երկու համաշխարհային պատերազմների ժամանակ:

Թուրքական կայքը նշում է, որ պեղումները վերսկսելը մեծապես կախված կլինի թուրք-ավստրիական հարաբերությունների կարգավորումից:

Թուրք­-ավստրիական հարաբերությունները դիվանագիտական մակարդակում շարունակում են լարված մնալ՝ կապված Թուրքիայի՝ ԵՄ անդամակցությն խնդրի հետ:
Երկու երկրների միջև հարաբերությունները լարվել էին, այն բանից հետո, երբ Թուրքիայի ԱԳ նախարար Մևլութ Չավուշօղլուն հայտարարել էր, որ եթե մինչև 2016 թվականի հոկտեմբեր ԵՄ­-ն Թուրքիայի հետ վիզային ռեժիմի դյուրացման չգնա, ապա իրենք չեղյալ կհամարեն փախստականներին և ներգաղթյալներին հետ ընդունելու համաձայնագիրը: Ի պատասխան նման հայտարարության Ավստրայի ԱԳ նախարար Սեբաստիան կուրցը հորդորել էր Չավուշօղլուին ուլտիմատումներ չդնել:

Աղբյուր` Փաստինֆո