Փաստ ինֆո

15 տարի իրավապահ մարմիններից թաքնվելուց հետո Պերմում 36-ամյա տղամարդը հայտնաբերվեց և դատապարտվեց: Այդ մասին տեղեկացնում է «uralpolit.ru»-ը:

Դատարանն արձանագրել է, որ 2001թ.նոյեմբերի 6-ին երիտասարդն այցելել է իր ծանոթի բնակարան՝ վերջինիս տան հեռախոսից զանգելու պատրվակով:

Երիտասարդը դանակով սպառնացել է, հարձակվել տանտիրոջ վրա, սակայն այդ պահին տուն են վերադարձել վերջինս քույրն իր ընկերոջ հետ:

Աղջկա ձեռքը վնասելով՝ երիտասարդը տանը ներկա գտնվողներին խուզարկել է, որից հետո հրահանգել է պառկել հատակին, ապա կապել է նրանց հեռախոսի լարով:

Շարունակելով ձեռքում պահել դանակը, միևնույն ժամանակ սպառնալով նրանց սպանել՝ երիտասարդը բռնաբարել է աղջկան: Բացի այդ, կատարել է նաև սեռական բնույթի բռնի գործողություններ:

Դրանից հետո երիտասարդը հափշտակել է խոշոր չափերի հասնող գումար և դիմել փախուստի:

Իրավապահները դեպքից հետո հետախուզում են հայտարարել և միայն 15 տարի անց՝ այս տարի մայիսին, նա հայտնաբերվել է և կալանավորվել:

Միևնույն ժամանակ նրա նկատմամբ քրեական հետապնդումը դադարեցվել է՝ բռնաբարության և սեռական բնույթի բռնի գործողությունների մասով՝ վաղեմության հիմքով:

Դատարանը տղամարդուն մեղավոր է ճանաչել ավազակային հարձակման մեջ՝ նրան դատապարտելով 7 տարի 10-ն ամիս ժամկետով ազատազրկման:

Աղբյուր` Փաստինֆո