Փաստ ինֆո

Որպես լավ եւ էժան զենքի խոշորագույն արտահանող Ռուսաստանն, անկասկած, հետաքրքիր է եւ՛ Ադրբեջանի, եւ՛ Իրանի համար:

Ինչպես հաղորդում է «Արմենպրես»-ը` վկայակոչելով ՏԱՍՍ-ը, նման կարծիք է հայտնել լրագրողներին ՌԴ փոխվարչապետ Դմիտրի Ռոգոզինը` Բաքվում Ռուսաստանի, Իրանի եւ Ադրբեջանի նախագահների հանդիպման արդյունքներով:

Նրա խոսքով` Ադրբեջանը եւս հետաքրքրվել է ՌԴ-ից նորագույն MC-21 ինքնաթիռների գնումով, Ռուսաստանը հույս ունի մինչեւ 2017 թվականի փետրվար 10 ինքնաթիռների վաճառելու պայմանագիր ստորագրել:

«Ադրբեջանը հետաքրքրվել է ռուսաստանյան MC-21 ինքնաթիռների գնումով: Այդ ինքնաթիռի առաջին թռիչքից հետո մենք ծրագրում ենք, որ մինչեւ փետրվար նման 10-ից ավելի ինքնաթիռների պայմանագիր կկնքենք», -ասել է Ռոգոզինը:

ՌԴ փոխվարչապետն ասել , որ Բաքվում պետք է ուղղաթիռների կենտրոն եւ ինքնաթիռների հավաքման գործարան բացվի:

«Բաքվում պետք է ուղղաթիռային կենտրոն ստեղծվի: Այստեղ խորհրդային եւ ռուսաստանյան արտադրության շատ ինքնաթիռներ եւ ուղղաթիռներ կան: Ահա դրանց արդիականցումը, սերվիսային սպասարկումն այժմ պետք է կատարվի Ադրբեջանի տարածքում», -ասել է Ռոգոզինը:

Բացի այդ, ՌԴ փոխվարչապետի խոսքով` «Բաքվում պետք է ավիացիոն հավաքման գործարան բացվի»:

Աղբյուր` Փաստինֆո