Փաստ ինֆո

Ինչ պարտավորություններ ունի իրավապահ մարմինը անձին բերման ենթարկելիս: Այդ մասին իր ֆեյսբուքյան էջում գրառել է փաստաբան Լիանա Բալյանը.

«Բերման ենթարկելիս իրավապահ մարմինը պարտավոր է

1.կայացնել բերման ենթարկելու մասին որոշում,

2. բերման ենթարկված անձին ներկայացնել բերման ենթարկելու հիմքերը և իրազեկել անձի կարգավիճակը,

3.ծանուցել անձին, թե որ գործի շրջանակներում է բերման ենթարկվում:

Չի թույլատրվում բերման ենթարկել մինչև 14 տարեկան անչափահասներին, հղի կանանց և ծանր հիվանդությամբ տառապող անձանց, բացառությամբ ծանր կամ առանձնապես ծանր հանցագործության կատարման մեջ կասկածվելու դեպքերի։

Բնակարանի խուզարկությունը կարող է կատարվել միայն դատարանի որոշմամբ` անկախ հիմքերի առկայությունից:

Կասկածյալն իրավունք ունի արգելանքի վերցնելուց հետո անմիջապես, բայց ոչ ուշ, քան 12 ժամվա ընթացքում, քրեական վարույթն իրականացնող մարմնի միջոցով մերձավոր ազգականներին, իսկ զինծառայող լինելու դեպքում նաև զինվորական մասի հրամանատարությանը, հեռախոսակապի կամ հնարավոր այլ միջոցով տեղյակ պահելու արգելանքի տակ պահելու իր տեղի և հիմքերի մասին:

Եթե ձերբակալված անձը ձերբակալման պահից 72 ժամվա ընթացքում դատարանի որոշմամբ չի կալանավորվում, ապա նա ենթակա է անհապաղ ազատ արձակման»:

Աղբյուր` Փաստինֆո