Փաստ ինֆո

Ռուսական կողմը, որը հիմնական պնդողն է հողեր հանձնելու հարցի, հասկացավ, որ ներկայիս վիճակում չի կարող դա պնդել որովհետև երկու հազար մարդ է հավաքվում (նկատի ունի՝ Խորենացիում-խմբ.)։ եթե Արցախի հարցը լինի, առնվազն մի քանի անգամ ավելի շատ կհավաքվեն», - «Առավոտ» օրաթերթի փոխանցմամբ` ասել է քաղաքագետ Արա Պապյանը

Թերթը գրում է. ««Ռուսական կողմն ասաց, որ փոխզիջումների տարբերակով Արցախի հարցի լուծումը ժամանակավորապես առկախվում է։ Ռուսական կողմը, որը հիմնական պնդողն է հողեր հանձնելու հարցի, հասկացավ, որ ներկայիս վիճակում չի կարող դա պնդել որովհետև երկու հազար մարդ է հավաքվում (նկատի ունի՝ Խորենացիում-խմբ.)։ եթե Արցախի հարցը լինի, առնվազն մի քանի անգամ ավելի շատ կհավաքվեն»,– երեկ խոսքով ՊՊԾ գունդը գրաված «Սասնա ծռեր» զինված խմբի՝ իշխանության կողմից տարածքները չհանձնելու հայտարարություն անելու պահանջի մասին՝ ասաց քաղաքագետ Արա Պապյանը։ Նրա խոսքով. «Եթե դրվեց Արցախի հողեր հանձնելու հարցը, վստահեցնում եմ ՝ բանակում, ոստիկանությունում, իշխանական ապարատում որոշները կընդվզեն ելնելով իրենց շահից։ Արցախի ղեկավարությունը դեմ կլինի. որովհետև հասկանում է՝ նման բանից հետո Ղարաբաղ չի լինի։ Մենք էլ հասկանում ենք, որ դրանից հետո նաև Հայաստան չի լինի։

Ըստ Արա Պապյանի՝ տարածքների հանձնումը կբերի ոչ թե խաղաղության ՝ ինչպես ասում Է իշխանությունը, այլ պատերազմի վերսկսման»,–գրում է թերթի խմբագիրը։

Հոդվածն ամբողջությամբ կարող եք կարդալ «Առավոտ» օրաթերթի 23.07.16թ. համարում:

Աղբյուր` Փաստինֆո