Փաստ ինֆո

Ս.թ. հուլիսի 17-ից 22-ը Երևանի Էրեբունի վարչական շրջանում քաղաքացիների կողմից վնասվել է «Սանիթեք» ընկերության 8 աղբաման, որոնցից 3-ը այրվել է և վերանորոգման ենթակա չէ:

Այս մասին հաղորդագրությամբ է հանդես եկել «Սանիթեք» ընկերությունը՝ նշելով, որ արդյունքում ընկերությունը մեծ նյութական վնասներ է կրել:

Ընկերության հարորդագրության մեջ նաև ասվում է, որ միևնույն ժամանակ նույն վարչական շրջանում ավելի քան 20 աղբաման տեղահանվել է նախատեսված վայրերից՝ օգտագործվելով որպես բարիկադներ և խոչընդոտել սանմաքրման և աղբահանության աշխատանքների պատշաճ իրականացմանը:

«Սանիթեք» ընկերությունը դիմում է Երևանի բնակիչներին և հորդորում նրանց չվնասել այլոց մասնավոր սեփականությունը հանդիսացող գույքը: «Սանիթեք» ընկերությունը,աշխատելով հանրային ծառայության՝ մասնավորապես սանմաքրման և աղբահանության ոլորտում, խնամքով ու հոգատարությամբ է ծառայում Երևանին՝ ակնկալելով համարժեք վերաբերմունքԵրևանի բնակիչներից:

Նշենք, որ «Սանիթեք» ընկերությունը 2 տարի է, ինչ գործունեություն է ծավալում Հայաստանում և այս ընթացքում ֆինանսական մեծ կորուստներ է գրանցել՝ Երևանի վարչական շրջաններում տեղադրված ընկերության հարյուրավոր աղբամանները դիտավորյալ կամ անզգուշությամբվնասելու պատճառով:

Լուսանկարը՝ Ֆոտոլուրի

Աղբյուր` Փաստինֆո