Փաստ ինֆո

Քիչ առաջ թեժ բախում տեղի ունեցավ Խորենացի փողոցում հավաքված ցուցարարների և ոստիկաններից միջև:

Ցուցարարները զայրացան այն բանից հետո, երբ ոստիկաններն անպատասխան թողեցին ՊՊԾ-ի գնդում գտնվողներին սնունդ փոխանցելու հնարավորության մասին իրենց հարցադրումները:

Բարձրաստիճան ոստիկաններից մեկը մոտեցավ ցուցարարներին և հայտարարեց, որ իրենց ուղղությամբ քար է նետվել ու զգուշացրեց, որ նման բան չկրկնի:

Այս հայտարարությունը որոշ ցուցարարների դուր չեկավ, և նրանք հայտարարեցին, թե ոստիկանությունն իրենց հետ թող չփորձի վերջնագրերով խոսել: Կանանց և աղջիկներին շատ արագ հեռացրին վահաններով  ոստիկանների  շարքերից և հարձակվեցին ոստիկանների վրա, որոշներին անգամ հաջողվեց նրանցից խլել վահանները:  

Ոստիկանությունն ի պատասխան սկսեց հզոր ճայթուկներ շպրտել ցուցարարների ուղղությամբ և շարժվել առաջ՝ հետապնդելով ցուցարարներին:

Ըստ նախնական տեղեկությունների՝ երկու կողմից էլ վնասվածքներ ստացածներ կան:

Լուսանկարները՝ «Ֆոտոլուր»-ի

Աղբյուր` Փաստինֆո