Փաստ ինֆո

«Интерфакс»-ի տվյալներով՝ Ռուսաստանի Անվտանգության դաշնային ծառայությունը ձերբակալել է Ռուսաստանի Քննչական կոմիտեի աշխատակիցների:

Ըստ BBC-ի ռուսական ծառայության՝ ռուսաստանյան ԶԼՄ-ները հաստատում են, որ Քննչական կոմիտեի Գլխավոր քննչական մոսկովյան վարչությունում խուզարկություններ են կատարվում: Պաշտոնապես այդ տեղեկատվությունը չի հաստատվել:

Մի քանի ռուսաստանյան ԶԼՄ-ներ, այդ թվում՝ «Интерфакс»-ը, «Эхо Москвы»-ն և «Московский комсомолец»-ը, հաղորդում են, որ խուզարկություններն անց են կացնում Անվտանգության դաշնային ծառայության աշխատակիցները:

Հաղորդվում է, որ խուզարկությունների ընթացքում ձերբակալվել է վարչության պետի տեղակալ Դենիս Նիկանդրովը: «Интерфакс-ի տվյալներով, նրա հետ միասին ձերբակալվել է նաև ՌԴ ՔԿ սեփական անվտանգության վարչության ղեկավար Միխայիլ Մակսիմենկոն:

«РБК» գործակալության աղբյուրը հաստատում է, որ խուզարկություններն ու ձերբակալությունները կապված են քրեական հեղինակություն Զախարի Կալաշովի, որը հայտնի է նաև որպես Շաքրո Մոլոդոյ, գործի հետ: Նրան անցյալ շաբաթվա ընթացքում ձերբակալել էր ՆԳՆ-ն:

Այս տեղեկատվության որևէ պաշտոնական հաստատում կամ հերքում ոչ Քննչական կոմիտեի, ոչ էլ Անվտանգության դաշնային ծառայության կողմից չի եղել:

Ռուսաստանյան ԶԼՄ-ների տեղեկությունների համաձայն, Դենիս Նիկանդրովը մասնակցել է մի քանի աղմկահարույց գործերի քննությանը, դրանց թվում են՝ մերձմոսկովյան դատախազների կողմից ընդհատակյա կազինոների «տանիքավորման» գործը և «ЮКОС»-ի նախկին ղեկավար Միխայիլ Խոդորկովսկու վերաբերյալ երկրորդ գործը:

Աղբյուր` Փաստինֆո