Փաստ ինֆո

Ղազախստանի նախագահ Նուրսուլթան Նազարբաևը երկուշաբթի Ալմաթիում տեղի ունեցած փոխհրաձգությունն որակել է որպես ահաբեկչական ակտ և ցավակցություն հայտնել զոհվածների ու տուժածների ընտանիքներին:

«Այսօր Ալմաթիում տեղի է ունեցել ահաբեկչական ակտ, որը, ցավոք, նորից մարդկային զոհերի է հանգեցրել: Ցավակցություն եմ հայտնում զոհվածների ու տուժածների մերձավորներին, նրանց հարկ է հոգեբանական ու նյութական աջակցություն ցուցաբերել», - ըստ INTERFAX-ի, այս մասին Նազարբաևն ասել է Ղազախստանի Անվտանգության խորհրդի օպերատիվ նիստում:

Բացի այդ, Նազարբաևը հանձնարարել է ապահովել անվտանգությունը մեգապոլիսում:

Երկուշաբթի Ալմաթիում անհայտ անձինք հարձակում են գործել Ներքին գործերի Ալմալինյան շրջանի բաժնի շենքի և Ազգային անվտանգության կոմիտեի քաղաքային դեպարտամենտի վրա: Կրակոցների հետևանքով զոհվել է չորս մարդ, որոնց թվում՝ երեք ոստիկաններ:

Բացի այդ, հոսպիտալացվել են փոխհրաձգությունից տուժած ութ անձինք:

Նազարբաևը հանձնարարել է ապահովել քաղաքացիների անվտանգությունը զանգվածային կուտակման վայրերում և անցկացնել Ալմաթիում տեղի ունեցածի լրիվ քննություն:
Ինչպես ավելի վաղ տեղեկացրել է Ղազախստանի ՆԳՆ-ն, ոստիկանության շենքի վրա առավոտյան մոտ ժամը 11-ին հարձակված հանցագործները տիրացել են պահակակետում կանգնածի զենքին: Քաղաքում ահաբեկչական վտանգի «կարմիր»
մակարդակ է հայտարարվել:

Հարձակվողներից մեկը ձերբակալվել էր: Նախնական տվյալներով, նա նախկինում դատապարտված, 27-ամյա տղամարդ է և կասկածվում է անցած հանգստյան օրերին կնոջ սպանության մեջ:

Ավելի ուշ ձերբակալել են նաև նրա հանցակցին:

«Ներքին գործերի մարմինների աշխատակիցների կողմից պարզվել և ձերբակալվել է անձն, ով գտնվել է ՆԳ Ալմալինյան շրջանային բաժին ներխուժել ու փորձ արած հանցագործի կողքին: Ստուգվում է հակաօրինական գործողությունների կատարմանը նրա հնարավոր մասնակցության հանգամանքը», - ասվում էր Ղազախստանի ՆԳՆ մամուլի ծառայության հաղորդագրության մեջ:

Աղբյուր` Փաստինֆո