Փաստ ինֆո

«Հայկական Ժամանակ»-ի տեղեկացմամբ՝ ՀՀ Ազգային ժողովի պատգամավոր Սամվել Ալեքսանյանի աշխատակից, Ձկնկուլ մականունով հայտնի Արմեն Իսրայելյանը ՀՀ հատուկ քննչական ծառայությունում «ՀԺ»–ի հրապարակման հիման վրա հարուցված քրեական գործի շրջանակներում հարցաքննվել Է:

Այս տեղեկությունը երեկ «Հժ»–ի թղթակցի հետ զրույցում հաստատել Է Ձկնկուլի կինը՝ Քրիստինեն։ Հարցին, թե ամուսինը հարցաքննվելիս պնդե՞լ է armtimes.com-ի հարցազրույցում նշած փաստերը, թե՞ դրանից հետո արված տարբեր հերքումներն Է պնդել, Քրիստինեն արձագանքել է. «Ներկա դրությամբ չեմ կարող ասել»։

Թղթակցի մյուս հարցին, թե Արմեն Իսրայելյանը ՀՀ-ո՞ւմ չԷ, կինը դրական Է պատասխանել։

Թերթը հիշեցնում է՝ Ալեքսանյանի նախկին աշխատակից Արմեն Իսրայելյանը, որը 2002-ից աշխատել է պատգամավորին պատկանող ընկերություններից մեկում. «Հժ» թղթակցին պատմել էր, թե ինչպես է Ալեքսանյանը առևանգել իրեն, խլել բիզնեսները։ Մեր հրապարակումից հետո ՀՔԾ-ում մի քանի դրվագներով քրգործ հարուցվեց, սակայն Ձկնկուլը 19 օրվա մեջ 19 տարբեր հերքումներով հանդես եկավ մեկ նշելով, թե խմած Է հարցազրույց տվել, մեկ էլ թե տեղյակ չի եղել, որ իր զրուցակիցը լրագրող Է եղել, այլ իմացել Է, որ «իր ընտանիքի անդամ է:

Հոդվածն ամբողջությամբ կարող եք կարդալ «Հայկական Ժամանակ» օրաթերթի՝ 14.07.16թ. համարում:

Աղբյուր` Փաստինֆո