Փաստ ինֆո

ՀՀ Ազգային ժողովի փոխխոսնակ Էդուարդ Շարմազանովը Լեռնային Ղարաբաղի հիմնահարցի կարգավորման և դեպի խաղաղություն տանող ուղի է համարում բանակցությունների վերսկսումը:

 «Արմենպրես»-ի փոխանցմամբ` լրագրողների հետ հանդիպմանը, անդրադառնալով ԵԱՀԿ Մինսկի խմբի ամերիկացի համանախագահ Ջեյմս Ուորլիքի հայտարարությանը, ըստ որի` պետք է ամփոփվեն երկու երկրների նախագահների հանդիպման արդյունքներն ու նշվեն ԼՂ հարցի կարգավորման մեխանիզմները, Էդուարդ Շարմազանովը նկատեց` դա նշականում է, որ բանակցությունները հնարավոր է շարունակվեն կամ նոր մեկնարկ ունենան:

«Ավելի լավ է բանակցել, քան չբանակցել, քանի որ բանակցելիս դեպի խաղաղության գնալու քայլ ես անում: Առանց բանակցությունների, դիստանցիայի վրա հայտարարություններ անելը հանգեցնում է պատերազմի: Ամենավատ բանակցությունն ավելի լավ է, քան աﬔնալավ պատերազմը»,-ավելացրեց ԱԺ փոխխոսնակը: Շարմազանովը բոլոր տեսակի հակամարտությունների լուծման ուղին բանակցությունների և դիվանագիտական հարաբերությունների մեջ է տեսնում:

«Կա դիվանագիտություն, բոլոր կոնֆլիկտների լուծման համար պետք է բանակցել: Բայց խնդիրն Ադրբեջանի մեջ է, Ադրբեջանը պետք է հասկանա, որ միակ տարբերակը, որ իր դրոշը ծածանված տեսնի Ստեփանակերտում, Արցախի Հանրապետության ճանաչումն ու այնտեղ իր դեսպանատան բացումն է: Այլ տարբերակ Արցախում Ադրբեջանի դրոշ տեսնելու ,չկա»,-ընդգծեց պաշտոնյան:

ԼՂ հիմնահարցի շուրջ Պուտին-Օբամա հեռախոսազրույցը Էդուարդ Շարմազանովը դրական է գնահատում: Նրա խոսքով`հրապարակային ձևակերպուﬓերը, որ կային երկու կողﬔրի տարածած հաղորդագրություններում, խոսում են այն մասին, որ կողմերը մերժում են խնդրի ռազմական լուծումն ու կարևորում պայմանավորվածությունների իրականացումը:

«Դա ցույց է տալիս, որ երկու գերտերությունների ղեկավարները հրապարակային մակարդակում չունեն հակասություններ: Եթե տարբեր հարցերում` սիրիական, ուկրաինական, ռուս-ամերիկյան հարաբերությունները հակասական են, ապա Ղարաբաղյան հիﬓահարցում կան ընդհանուր մոտեցուﬓեր, որը համահունչ է մեր պատկերացումներին»,-շեշտեց ԱԺ փոխխոսնակը:

Լուսանկարը՝ ֆոտոլուրի

Աղբյուր` Փաստինֆո