Փաստ ինֆո

Մանսուրյանների ընտանիքի ողբերգությունը հուլիսի 8-ին կարող էր շատ ավելի ծանր հետեւանքներ ունենալ, եթե չլիներ հարեւանը, ով ուղղակի բռնել է չարագործի ձեռքը:

«Փաստինֆո»-ն ավելի վաղ տեղեկացրել է, որ անհաշտ մթնոլոտն այս ընտանիքում ունի հին պատմություն եւ արդեն մի քանի քրեական գործ` ընտանիքի տարբեր անդամների վերաբերյալ ուղարկվել է դատարան, մի քանիսն էլ` նախաքննության փուլում:

Շենգավիթում դաժան սպանությունը ծայրահեղ դրսևորումն էր այդ ընտանիքում շարունակական բնույթ կրող վիճաբանությունների

1985թ ծնված ծնված Վլադիկ Մարտիրոսյանը Շենգավիթ վարչական շրջանի ընդհանուր իրավասության դատարանի կողմից 27.01.2016թ. ՀՀ քրեական օրենսգրքի 119-րդ հոդվածի 1-ին մասով դատապարտվել է ազատազրկման 6 ամիս ժամկետով` կնոջը տառապանք պատճառելու համար, պատիժը պայմանականորեն նրա նկատմամբ չի կիրառվել և սահմանվել է փորձաշրջան 1 տարի ժամկետով, թեեւ հոդվածը նախատեսում է մինչեւ 3 տարվա ազատազրկում:

Իր մանկահասակ երեխային տեսակցելուն չթույլատրելու համար լարված փոխհարաբերությունների մեջ գտվելով իր նախկին կնոջ Թագուհի Մանսուրյանի և վերջինիս ծնողներ Կարինե ու Վաչագան Մանսուրյանների հետ 2016թ. հուլիսի 8-ին` վաղ առավոտյան ժամը 04.30-ի սահմաններում, պայմանական ազատազրկման դատապարտված Մարտիրոսյանն այցելել է նրանց:
Բնակարանի աստիճանահարթակում վիճաբանություն է սկսվել Թագուհի, Վաչագան և Կարինե Մանսուրյաննների հետ, որի ընթացքում նախկին կնոջ հայրը վերցրել է կացինը, իսկ Վլադիկ Մարտիրոսյանն էլ նրա ձեռքից քաշել վերցրել է եւ բազմաթիվ հարվածներ հասցրել նախկին զոքանչի վերջինիս մարմնի տարբեր մասերին` սպանելով նրան:

Դաժան սպանություն Շենգավիթում. կացնահարել է նախկին կնոջը, զոքանչին և աներոջը (Լուսանկարներ)

Ապա` կացինով հարվածներ է հասցրել նախկին կնոջն ու աներոջը, սակայն ձայների վրա դուրս է եկել հարեւանը եւ բռնել վայրենացած երիտասարդին:

«Փաստինֆո»-ին ՀՀ քննչական կոմիտեից հայտնեցին, որ Վ.Մարտիրոսյանին մեղադրանք է առաջադրվել ՀՀ քրեական օրենսգրկի 2 հոդվածով` սպանության եւ 2 անձի սպանության փորձի համար: Նրա նկատմամբ որպես խափանման միջոց է ընտրվել կալանավորումը:

Աղբյուր` Փաստինֆո