Փաստ ինֆո

Եվրոպայի 2016թ. առաջնության կիսաեզրափակչի շրջանակում Պորտուգալիայի ընտրանին «Ստադ դե Լյումիեր» մարզադաշտում ընդունեց Ուելսի հավաքականին:

Ինչպես մեկնաբանում է armsport.am-ը, հանդիպումն ընթացավ հավասար պայքարում, չնայած հաղթող դուրս եկավ Պորտուգալիայի ընտրանին: Ֆերնանդու Սանտուշի սաները կարողացան երկու անպատասխան գնդակ ուղարկել Ուելսի հավաքականի դարպասը:

Խաղի հաշիվը բացվեց 50-րդ րոպեին: Ռաֆայել Գերեյրոյի փոխանցումից հետո գոլի հեղինակ դարձավ Կրիշտիանու Ռոնալդուն: Րոպեներ անց հաշիվը կրկնապատկեց Նանին:

Ուելսի ընտրանին փորձեց փրկել հանդիպումը, սակայն հիմնական ժամանակի ընթացքում Կրիս Կոուլմենի սաներին չհաջողվեց գրավել պորտուգալացիների դարպասը:

Այսպիսով, Պորտուգալիայի ընտրանին Եվրո-2016-ի եզրափակչում կմրցի Գերմանիա-Ֆրանսիա զույգի հաղթողի հետ:

Հավելենք, որ մրցող թիմերը խաղադաշտ էին դուրս եկել հետեւյալ մեկնարկային կազմերով.

Պորտուգալիա - Ռուի Պատրիսիու, Սեդրիկ, Ֆոնտե, Բրունու Ալվեշ, Գերեյրո, Դանիլու, Ժոաու Մարիու, Ադրիեն Սիլվա, Ռենատու Սանչեշ, Նանի, Ռոնալդու

Ուելս - Հենեսի, Գանտեր, Թեյլոր, Ուիլիամս, Կոլինս, Չեսթեր, Կինգ, Ալեն, Լեդլի, Ռոբսոն-Կանու, Բեյլ

Պորտուգալիա-Ուելս՝ 2:0

Գոլերը՝ Ռոնալդու (50), Նանի (53)

Աղբյուր` Փաստինֆո