Փաստ ինֆո

Գերմանիայի «Միջազգային իրավունք և ժողովրդավարություն» միությունը (MAF-DAD) Թուրքիայի դեմ 200 էջանոց դատական հայց է ներկայացվել: Թուրքական իշխանությունները մեղադրվում են Ջիզրեում պատերազմական գործողություններ հրահրելու և մարդկության դեմ հանցագործություն իրականացնելու մեջ: 

Ինչպես հաղորդում է թուրքական «AKsam» թերթի կայքը: Հայցի մեջ, որպես մեղավորներ ներառված են Թուրքիայի նախագահ Ռեջեփ Թայիփ Էրդողանը, Թուրքիայի նախկին վարչապետ Ահմեթ Դավութօղլուն, ներքին գործերի նախարար Էֆքան Ալայը և Թուրքիայի զինված ուժերի (ԶՈՒ) գլխավոր շտաբի պետ Հուլուսի Աքարը:

Ըստ մեղադրող կողմի՝ Թուրքիայի Շըրնաք նահանգի Ջիզրե շրջանում թուրքական ուժերի կողմից միտումնավոր սպանվել է 178 խաղաղ բնակիչ: Նշվում է, որ Թուրքիայի դեմ պատրաստված փաստաթղթի նախապատրաստման գործում իր մասնակցությունն է ունեցել Թուրքիայի ընդդիմադիր քրդամետ «Ժողովուրդների դեմոկրատական» կուսակցության պատգամավոր Ֆայսալ Սարըյըլդըզը:

Նրա համագործակցությունը գերնակական իրավապաշտպանների հետ իշխանամետ թուրքական մի շարք լրատվամիջոցներ բնորոշում են որպես դավաճանական: Այդ ամենը որակում է որպես Գերմանիայի կողմից Թուրքիայի դեմ իրականացվող հերթական քայլերից մեկը: Հիշեցվում է, որ ավելի վաղ Գերմանիայի խորհրդարանը՝ Բունդեսթագը, Հայոց ցեղասպանությունը ճանաչող և դատապարտող օրինագիծ էր ընդունել:

Աղբյուր` Փաստինֆո