Փաստ ինֆո

Կառավարման խորհուրդը Արդարադատության ակադեմիայի ռեկտոր ընտրեց իրավաբանական գիտությունների դոկտոր, պրոֆեսոր, ՀՀ հատուկ քննչական ծառայության պետի խորհրդական Սերգեյ Առաքելյանին:

«Փաստինֆո»-ի թղթակցի հետ զրույցում Ս.Առաքելյանը այսօրվա քվեարկությունը գնահատեց որպես «շատ բարձր մակարդակով անցկացված» ոչ թե այն պատճառով, որ ինքն է ընտրվել, այլ իրեն գոհացրել են հավակնորդների համար ստեղծված պայմաններն ու քննարկումները:

Ս.Առաքելյանը նշեց, որ իր ծրագրերը շատ են, սակայն ինքը չէր ցանկանա, որ դրանք ընկալվեին որպես նախկին ռեկտորի՝ Ռուբեն Մելիքյանի, գործունեության քննադատություն:

«Բնականաբար իրեն շնորհակալություն է պետք ասել Ակադեմիայի կայացման գործընթացում շատ կարևոր քայլեր կատարելու համար: Ինձ թվում է, որ առաջնահերթ պետք է վերանայել օրենսդրությունը, որտեղ առկա են հենց օրենսդրական բնույթի բազմաթիվ խնդիրներ: Իրավական նորմալ հիմքի առկայության պարագայում է, որ մնացած ծրագրերն իրականանալի են»,- ասաց նորընտիր ռեկտոր Ս.Առաքելյանը:

Ինչպես «Փաստինֆո»-ին հայտնեց Արդարադատության ակադեմիայի հանրային կապերի պատասխանատու Աննա Մկրտչյանը, Ակադեմիայի կանոնադրության 54-րդ կետի համաձայն, հավակնորդների ներկայացրած գործունեության ծրագրերը Խորհրդում բոլոր հավակնորդների ելույթի ավարտից հետո երկօրյա ժամկետում տեղադրվում են Ակադեմիայի պաշտոնական ինտերնետային կայքում:

Հիշեցնենք, որ Ակադեմիայի ռեկտորի պաշտոնը թափուր էր մնացել Ակադեմիայի առաջին ռեկտոր Ռուբեն Մելիքյանի՝ ԼՂՀ օմբուդսմենի պաշտոնը ստանձնելուց ի վեր:

Արդարադատության ակադեմիայի նորընտիր ռեկտորի կենսագրությունը

Ինչպես արդեն տեղեկացրել ենք այսօր Արդարադատության ակադեմիայի ռեկտոր է ընտրվել Սերգեյ Առաքելյանը:
Ներկայացնում ենք ռեկտորի կենսգրությունը, որը «Փաստինֆո»-ին տրամադրել են Արդարադատության ակադեմիայից:

Սերգեյ Առաքելյանը ծնվել է 1974 թ. դեկտեմբերի 20-ին, Երևանում:

Աշխատանքային գործունեություն՝

1996 – 1998 թթ.՝ Զարգացման հայկական բանկի իրավախորհրդատու,

1998 – 2004 թթ.՝

1. Երևանի պետական համալսարանի քրեական իրավունքի ամբիոնի ասիստենտ (դասավանդվոդ առարկաներ՝ ՀՀ քրեական իրավունք – Ընդհանուր և Հատուկ մասեր, Իրավական վիճակագրություն, Կրիմինոլոգիա).

2. ԵՊՀ իրավագիտության ֆակուլտետի համակարգչային կենտրոն-գրադարանի տնօրեն,

2000 – 2004 թթ.՝ «Կանանց իրավունքների կենտրոն»
հասարակական կազմակերպության իրավական հարցերով խորհրդատու,

2004 – 2006 թթ.՝ Երևանի պետական համալսարանի գիտական քարտուղար, ԵՊՀ գիտական խորհրդի քարտուղար,

2006 – 2015 թթ.՝

1. Երևանի պետական համալսարանի քրեական իրավունքի ամբիոնի դոցենտ (դասավանդվոդ առարկաներ՝ ՀՀ քրեական իրավունք – Ընդհանուր և Հատուկ մասեր, Իրավական վիճակագրություն, Բռնությամբ կատարվող հանցագործություններ, Պատիժ նշանակելը),

2. ԵՊՀ իրավագիտության ֆակուլտետի համակարգչային կենտրոն-գրադարանի տնօրեն,

3. ԵՊՀ իրավագիտության ֆակուլտետի կարիերայի կենտրոնի համակարգող,

2014 – 2016 թթ.՝ ՀՀ հատուկ քննչական ծառայության քննչական աշխատանքների կազմակերպման կատարելագործման բաժնի պետ,
2015 թ.-ից առ այսօր՝

1. Երևանի պետական համալսարանի քրեական իրավունքի ամբիոնի պրոֆեսոր (դասավանդվոդ առարկաներ՝ ՀՀ քրեական իրավունք – Ընդհանուր և Հատուկ մասեր, Իրավական վիճակագրություն, Բռնությամբ կատարվող հանցագործություններ, Պատիժ նշանակելը),

2. ՀՀ արդարադատության ակադեմիայի «Քրեական իրավունքի արդի հիմնահարցերը» դասընթացի դասընթացավար,

2016 թ. մայիս – հունիս՝ ՀՀ հատուկ քննչական ծառայության պետի խորհրդական

Կրթություն, գիտահետազոտական
գործունեություն՝

1981 – 1991 թթ.՝ Երևանի Ա.Ս. Պուշկինի անվ. թիվ 8 միջնակարգ դպրոց,

1991 – 1996 թթ.՝ Երևանի պետական համալսարանի իրավաբանական ֆակուլտետ,

1996 – 1999 թթ.՝ ԵՊՀ իրավագիտության ֆակուլտետի ասպիրանտուրա,

1997 թ., հուլիս՝ Նյու Յորքի համալսարանի իրավաբանական դպրոց, էլեկտրոնային-իրավական հետազոտությունների գծով վերապատրաստման դասընթացներ,

21.10.1999 թ.՝ «Ընտանեկան-կենցաղային հարաբերությունների ոլորտում կատարվող սպանությունները և դրանց կանխումը Հայաստանի Հանրապետությունում» վերտառությամբ թեկնածուական ատենախոսության պաշտպանություն (ՌԴ Գլխավոր դատախազությանն առընթեր «Օրինականության և իրավակարգի ամրապնդման հիմնախնդիրների» գիտահետազոտական ինստիտուտ, ք. Մոսկվա),

2008 թ. փետրվար – մարտ՝ Միացյալ Թագավորության
«Առանձնապես վտանգավոր կազմակերպված հանցավորության դեմ պայքարի գործակալություն»
(ք. Հարլո, Մեծ Բրիտանիա), փողերի լվացման և ահաբեկչության ֆինանսավորման դեմ պայքարի գծով վերապատրաստման դասընթացներ,

27.06.2014 թ.՝ «Բռնությամբ կատարվող հանցագործությունները Հայաստանի Հանրապետությունում» վերտառությամբ դոկտորական ատենախոսության պաշտպանություն (ՀՀ ԲՈՀ-ի՝ ԵՊՀ-ում գործող 001 մասնագիտական խորհուրդ):

Մասնագիտական հետաքրքրությունների
շրջանակ՝ մարդու իրավունքներ, ընտանեկան բռնություն, բռնությամբ կատարվող հանցագործություններ, մարդու դեմ ուղղված հանցագործություններ, թրաֆիքինգ, համակարգչային տեղեկատվության անվտանգության դեմ ուղղված հանցագործություններ, պաշտոնեական հանցագործություններ, խոշտանգումների կանխարգելում, հանցավորության և դրա դեմ պայքարի հիմնախնդիրներ, պատիժ նշանակելու հիմնախնդիրներ, կրիմինալոգիական հետազոտությունների մեթոդիկա:

Օտար լեզուներ՝ ռուսերեն և անգլերեն:

Համակարգչային հմտություններ՝ Word, Excel, Access, Front Page, Power Point, Internet

Այլ տեղեկություններ՝

– Հայաստանի Հանրապետության իրավաբանների միության անդամ.

– ՀՀ հատուկ քննչական ծառայության մրցութային-ատեստավորող հանձնաժողովի անդամ.

– Եվրոպայի Խորհրդի «Աջակցություն Հայաստանում քրեական արդարադատության համակարգի բարեփոխումներին և պայքար վատ վերաբերմունքի և անպատժելիության դեմ» ծրագրի ազգային փորձագետ,

– «Պետություն և իրավունք» և «Դատական իշխանություն» գիտագործնական հանդեսների խմբագրական խորհուրդների անդամ,

– ՀՀ քրեական նոր օրենսգրքի հայեցակարգը և նախագիծը նախապատրաստող աշխատանքային խմբի անդամ,

– Իրավաբանական գիտությունների թվով ինը թեկնածուների գիտական ղեկավարություն,
– մի շարք մենագրությունների, բուհական դասագրքերի, ուսումնամեթոդական ձեռնարկների, գիտագործնական մեկնաբանությունների, ՀՀ-ում և արտասահմանյան երկրներում (Գերմանիայի Դաշնային Հանրապետություն, Ռուսաստանի Դաշնություն, Ուկրաինա, Վրաստան) տպագրված գիտական հոդվածների հեղինակ ու համահեղինակ,

– Պարգևներ՝

1) ՀՀ վարչապետի հուշամեդալ.

2) ՀՀ արտակարգ իրավիճակների նախարարության «Կանխարգելում, օգնություն, փրկություն» մեդալ.

3) ՀՀ հատուկ քննչական ծառայության պետի շնորհակալագիր

Ընտանեկան դրություն՝ ամուսնացած է, ունի երկու զավակ:

Աղբյուր` Փաստինֆո