Փաստ ինֆո

Եվրո-2016-ի 1/8 եզրափակչում Իտալիայի հավաքականը «Ստադ Դե Ֆրանս» մարզադաշտում ընդունեց Իսպանիայի ընտրանուն:

«Armsport.am»-ի հաղորդմամբ` հանդիպումը մեկնարկեց իտալացիների գրոհներով: 8-րդ րոպեին Գրացիանո Պելեի հարվածից հետո իսպանացիների դարպասապահ Դավիդ Դե Խեան փայլուն սեյվ կատարեց:

Առաջին խաղակեսի հետագա պայքարն ընթացավ երկկողմանի ակտիվությամբ: Հանդիպման հաշիվը բացվեց 34-րդ րոպեին Ջորջո Կիելինին խառնաշփոթից հետո կարողացավ գնդակն ուղարկել մրցակցի դարպասը:

45-րդ րոպեին իտալացիները մոտ էին հաշիվը կրկնապատկելուն: Էմանուել Ջակերինիի հարվածից հետո կրկին աչքի ընկավ Դավիդ Դե Խեան:

Իսպանացիներն իրենց ամենավտանգավոր պահն անցկացրին 50-րդ րոպեին: Ալվարո Մորատան շատ մոտ տարածությունից չկարողացավ հավասարացնել հաշիվը: Վերջինիս գլխի հարվածից հետո գնդակը հայտնվեց Ջանլուիջի Բուֆոնի ձեռքերում:

Չնայած իսպանացիների վտանգավոր գրոհներին, խաղավարտից րոպեներ առաջ իտալացիները կրկնապատկեցին խաղի հաշիվը: Հիանալի հակագրոհից հետո Գրացիանո Պելեն հուժկու հարվածով գնդակը մխրճեց Դավիդ Դե Խեայի պաշտպանած դարպասը:

Հավելենք, որ Իտալիայի հավաքականը մրցաշարի քառորդ եզրափակչում կհանդիպի Գերմանիայի ընտրանուն:

Մրցող թիմերը խաղադաշտ դուրս եկան հետեւյալ մեկնարկային կազմերով.

Իտալիա. Բուֆոն, Դե Շիլյո, Կիելինի, Ֆլորենցի, Պելե, Բարցալի, Դե Ռոսի, Էդեր, Պարոլո, Բոնուչի, Գիակերինի

Իսպանիա. Դե Խեա, Պիկե, Բուսկետս, Ինիեստա, Մորատա, Ֆաբրեգաս, Ռամոս, Խուանֆրան, Խորդի Ալբա, Սիլվա, Նոլիտո

Իտալիա-Իսպանիա՝ 2:0

Գոլը՝ Կիելինի (33), Պելե (90)

Աղբյուր` Փաստինֆո