Փաստ ինֆո

Եվրոպայի 2016 թվականի առաջնության շրջանակում շարունակվում է 1/8 եզրափակիչը:

«Armsport.am»-ի հաղորդմամբ` այսօր՝ հունիսի 26-ին կկայանան ևս 3 դիմակայություններ: Քառորդ եզրափակչի համար պայքարելու են Ֆրանսիա - Իռլանդիա, Գերմանիա - Սլովակիա, Հունգարիա - Բելգիա զույգերը:

Ֆրանսիա - Իռլանդիա
Եվրո-2016, 1/8 եզրափակիչ
Լիոն, «Ստադ դը Լիոն» մարզադաշտ, ժամը՝ 17:00
գլխ. մրցավար՝ Նիկոլա Ռիցոլի (Իտալիա)
բուքմեյքերներ՝ 1.50 - 4.00 - 10.50

Եվրո-2016-ը հյուրընկալող Ֆրանսիան խմբային փուլում 1-ին հորիզոնականը զբաղեցնելուց հետո կմրցի Իռլանդիայի ընտրանու հետ, որը 3-րդ տեղով է փլեյ-օֆֆի ուղեգիր ձեռք բերել:

A խմբում Ֆրանսիայի ազգային թիմը 2 հաղթանակ տարավ, մեկ խաղ էլ ավարտելով ոչ-ոքի: Դիդիե Դեշամի թիմն այդ հանդիպումներում ընդամենը 1 գոլ է բաց թողել:

Իռլանդիայի հավաքականն ընդգրկված էր E խմբում, որտեղ 1-ական հաղթանակից, պարտությունից և ոչ-ոքիից հետո զբաղեցրեց 3-րդ հորիզոնականը՝ իրենից առաջ թողելով Իտալիայի և Բելգիային, առաջ անցնելով Շվեդիայից: Իռլանդիայի հավաքականը 3-րդ հորիզոնականը զբաղեցրած ընտրանիների ցանկում 2-րդ արդյունքն է ունեցել:

Ֆրանսիայի և Իռլանդիայի հավաքականները միմյանց միջև 12 հանդիպում են անցկացրել. դիմակայությունների պատմությունը սկսվում է 1953 թվականից: Ընդհանուր առմամբ, 6 հաղթանակ տարել են ֆրանսիացիները, 3 իռլանդացիները, նույնքան խաղ էլ ոչ-ոքիով է ավարտվել:

Գերմանիա - Սլովակիա
Եվրո-2016, 1/8 եզրափակիչ
Լիլ, «Պիեր Մոուրա» մարզադաշտ, ժամը՝ 20:00
գլխ. մրցավար՝ Սիմոն Մարցինյակ (Չեխիա)
բուքմեյքերներ՝ 1.49 - 4.34 - 9.10

Գերմանիայի հավաքականը խմբային փուլում վստահ տեսք ուներ: C խմբում 2 հաղթանակից և 1 ոչ-ոքիից հետո աշխարհի գործող չեմպիոններն 1-ին հորիզոնականով դուրս եկան փլեյ-օֆֆ: Հարկ է ընդգծել, որ Յոահիմ Լյովի գլխավորած ընտրանին այդ հանդիպումներում անառիկ է պահել սեփական դարպասը՝ մրցակցինն ուղարկելով 3-ը:

Սլովակիայի ընտրանիւն ընգրկված էր B խմբում և 3 խաղերում էլ տարբեր արդյունքներ գրանցեց՝ զբաղեցնելով 3-րդ հորիզոնականը: Սլովակիան 3-րդ հորիզոնականները զբաղեցրած հավաքականների ցանկում լավագույն արդյունքն ունեցավ:

Գերմանիայի և Սլովակիայի հավաքականները միմյանց միջև 4 հանդիպում են անցկացրել: Կողմերը հաղթել են 2-ական դեպքերում: Վերջին հանդիպումը կայացել է բոլորովին վերջերս. մայիսի 29-ին ընկերական խաղում Սլովակիան հաղթել է 3:1 հաշվով:

Հունգարիա - Բելգիա
Եվրո-2016, 1/8 եզրափակիչ
Թուլուզ, «Թուլուզ» մարզադաշտ, սկիզբը՝ 23:00
գլխ. մրցավար՝ Միլորադ Մազիչ (Սերբիա)
բուքմեյքերներ՝ 7.00 - 3.50 - 1.71

Հունգարիայի հավաքականը, որն ընդգրկված էր վերջին՝  F խմբում, 1-ին հորիզոնականը զբաղեցրեց, սակայն ավելի քիչ միավորներով, քան Բելգիան, որը E խմբում 2-րդ հորիզոնականով եզրափակեց:

Հունգարացիները 1 հաղթանակ տարան և 2 ոչ-ոքի խաղացին, իսկ Բելգիան 2 հաղթանակներից առաջ պարտվել էր Իտալիային. արդյունքում Վիլմոտսի սաները զիջեցին հենց իտալացիներին:

Չնայած հանգամանքներին՝ ֆավորիտ է համարվում Բելգիայի հավաքականը:

Նշենք, որ Հունգարիայի և Բելգիայի ազգային թիմերը նախկինում 3 անգամ են հանդիպել: 1972 և 2009 թվականներին հաղթել է Բելգիան՝ 2:1 և 3:0: Աշխարհի 1982 թվականի եզրափակիչ փուլում էլ ընտրանիները 1:1 են խաղացել:

Հունգարիան և Բելգիան մեկական կորուստներով են մոտենում խաղին: Բերնդ Շտորկի թիմից վնասվածք ունի պաշտպան Օտիլո Ֆիոլոն, իսկ բելգիացիներից՝ Մուսա Դեմբելեն:

Աղբյուր` Փաստինֆո