Փաստ ինֆո

Գերմանական ֆուտբոլի փորձագետ Լի Պրայսը «Daily Star»-ին տված հարցազրույցում խոսել է Դորտմունդի «Բորուսիայի» ու Հայաստանի հավաքականի կիսապաշտպան Հենրիխ Մխիթարյանի հնարավոր տրանսֆերի մասին անգլիական «Մանչեսթեր Յունայթեդ»:

«Մխիթարյանը «Մանչեսթեր Յունայթեդի» ուշադրությունը գրավել է նրանով, որ ավարտված մրցաշրջանում մասնակցել է բազմաթիվ գոլերի ստեղծմանը:

Անընդհատ վտանգ ստեղծող դինամիկ փլեյմեյքերն ավարտված մրցաշրջանում խփել է 18 գոլ ու կատարել 20 արդյունավետ փոխանցում:
Հենրիխը հիանալի է համապատասխանում այն թիմի համար, որը նախորդ մրցաշրջանում պայքարում էր մրցակիցներին իր հետեւում թողնելու համար: Միկին գերազանց ձեռքբերում կլինի մանչեսթերցիների համար:

«Բորուսիան» Եվրոպայի գերակումբների համար դոնորի համբավ ունի. ավագ Մատս Հումելսը հեռացավ «Բավարիա», Իլկայ Գյունդողանը կարիերան կշարունակի «Մանչեսթեր Սիթիում», իսկ Օբամեյանգը կարող է հետեւել նրա օրինակին:

Դորտմունդցիները գիտեն, որ Մխիթարյանն իր լավագույն մարզավիճակում է ու պատրաստ են նրան այս մեկ տարին պահել նույնիսկ ուժով: Նրանք նույն բանն արեցին Լեւանդովսկու հետ, ով արդյունքում տեղափոխվեց «Բավարիա»:

Սակայն դրա հետ մեկտեղ «Բորուսիան» հասկանում է, որ 30 մլն ֆունտ ստերլինգն արժանի գումար է, որպեսզի նրանով հնարավոր լինի փոխարինող գտնել Մխիթարյանին: Այդ պատճառով Ժոզե Մոուրինյոն, ամենայն հավանականությամբ, ամռանը կստանա Հենրիխին:

Դա վատ նորություն կլինի Խուան Մատայի համար, ով հայ ֆուտբոլիստին զիջում է աթլետիզմով ու խաղադաշտում հանդես է գալիս նույն դիրքում»,- ասել է Պրայսը:

Աղբյուր` Փաստինֆո