Փաստ ինֆո

Եվրոպայի 2016 թվականի առաջնության շրջանակում մեկնարկում է փլեյ-օֆֆը: Armsport.am-ի հաղորդմամբ՝ այսօր՝ հունիսի 25-ին, կկայանա 3 հանդիպում: Ներկայացնում ենք կայանալիք հանդիպումների անոնսը:

Շվեյցարիա - Լեհաստան
Եվրո-2016, 1/8 եզրափակիչ
«Ժոֆրուա Գիշար» մարզադաշտ, ժամը՝ 17:00
գլխ. մրցավար՝ Մարկ Կլատենբուրգ (Անգլիա)
բուքմեյքերներ՝ 3.42 - 2.90 - 2.68

Եվրո-2016-ի 1/8 եզրափակիչը մեկնարկում է Շվեյցարիա - Լեհաստան հանդիպումով:

Շվեյցարիան և Լեհաստանը խմբային փուլում պարտություններ չեն կրել: Շվեյցարիան A խմբում 1 հաղթանակներից բացի 2 ոչ-ոքի է խաղացել՝ զբաղեցնելով 2-րդ հորիզոնականը:

Լեհաստանի հավաքականը, որն ընդգրկված էր C խմբում հավասար միավորներ էր վատակել Գերմանիայի հետ: Քանի որ աձնական հանդիպումն ավարտվել էր 0:0, հաշվի էին առնվել խփած և բաց թողած գոլերը: Լեհաստանի պարագայում 2:0 էր, Գերմանիայի՝ 3:0: Նշենք, որ Շվեյցարիան խմբային փուլում 1 գնդակ է ընդունել. 2-րդ տուրում Ռումինիայից:

Ընտրանիներն, ընդհանուր առմամբ, միմյանց միջև 4 հանդիպում են անցկացրել. լեհերը հաղթել են 3 դեպքերում, մեկ անգամ էլ՝ 2014 թվականին ընկերական խաղում 2:2 հաշիվ է գրանցվել:

Լեհաստանի հավաքականը լուրջ կորստով է մոտենում հանդիպմանը. վնասվածքից դեռ չի ապաքինվել Վոյցեխ Շեսնին: Որակազրկված է նաև Բարտոգ Կապուստկան: Շվեյցարացիները մարտունակ կազմով եմ մոտենում մրցավեճին:

Ուելս - Հյուսիսային Իռլանդիա
Եվրո-2016, 1/8 եզրափակիչ
«Պարկ դե Պրենս» մարզադաշտ, ժամը՝ 20:00
գլխ. մրցավար՝ Մարտին Ատկինսոն (Անգլիա)
բուքմեյքերներ՝ 2.06 - 2,08 - 5.00

Ուելսի հավաքականն իսկական խառնաշփոթ առաջացրեց իր խմբում: B խմբում Ռուսաստանի և Սլովակիայի դեմ հաղթանակները ուելսցիներին հնարավորություն տվեցին 1-ին տեղը գրավել՝ չնայած պարտություն էին կրել Անգլիայից: Բրիտանական դիմակայությունն ամենաուշագրավներից էր խմբային փուլում:

Նշենք, որ հիանալի մարզավիճակում է գտնվում ուելսցիների առաջատար Գարեթ Բեյլը, ով խփած 3 գոլով Ալվարո Մորատայի հետ գլխավորում է ռմբարկուական մրցավազքը:

Հյուսիսային Իռլանդիայի ընտրանին C խմբում միջանկյալ 2 պարտությունների Գերմանիայից և Լեհաստանից՝ հաղթեց Ուկրաինային: Հյուսիսիռլանդացիները խմբայինում խփել են 2 և ընդունել նույնքան գոլ: Զրոյական արդյունքը թույլ տվեց Հյուսիսային Իռլանդիային 6 հավաքականների պայքարում 4-րդը լինել և փլեյ-օֆֆի ուղեգիր ձեռք բերել:

Ուելսի և Հս. Իռլանդիայի հավաքականները միմյանց միջև 10 հանդիպումներ են անցկացրել: Դիմակայության պատմությունը սկսվում է 1950 թվականից: Հանդիպումներից 4-ում հաղթել է Ուելսը, 1-ում՝ Հյուսիսային Իռլանդիան հեռավոր 1954 թվականին. ևս 4 խաղ էլ ոչ-ոքիով է ավարտվել: Վերջին անգամ ազգային թիմերը հանդիպել են այս տարվա մարտին. ընկերական խաղում գրանցվել է 1:1 հաշիվ:

Խորվաթիա - Պորտուգալիա
Եվրո 2016, 1/8 եզրափակիչ
«Բոլարտ Դելելիս» մարզադաշտ, սկիզբը՝ 23:00
գլխ. մրցավար՝ Կարլոս Վելասկո Կարբալյո (Իսպանիա)
բուքմեյքերներ՝ 2.70 - 3.08 - 3.16

1/8 եզրափակիչների խաղային 1-ին օրվա կենտրոնական հանդիպումը կկայանա «Բոլարտ Դելելիս» մարզադաշտում: Խորվաթիայի հավաքականը, որը հիանալի խաղ է ցուցադրում, փորձելու է շարունակել անպարտելի ընթացքը: Խորվաթները D խմբում 2 հաղթանակների և 1 ոչ-ոքիի շնորհիվ 1-ին հորիզոնականով դուրս եկան հաջորդ փուլ: Ընդգծելու է արժանի 3-րդ տուրում Խորվաթիայի կամային հաղթանակը (2:1) Եվրոպայի գործող չեմպիոն Իսպանիայի ընտրանու նկատմամբ:

Պորտուգալիայի հավաքականը միակն է, որը առանց հաղթանակ տանելու է դուրս եկել փլեյ-օֆֆ: Կրիշտիանու Ռոնալդուն և ազգակիցները 3 անգամ ոչ-ոքի են խաղացել. հատկապես առանձնանում է վերջին տուրում Հունգարիայի դեմ 3:3 հաշվով ավարտված խաղը; «Եվրոպական բրազիլացիները» հնարավոր է զրկվեին ուղեգրից, սակայն Նանիի գոլն ու Ռոնալդուի դուբլը Պորտուգալիային դուրս բերեց 1/8 եզրափակիչ:

Խորվաթիայի և Պորտուգալիայի հավաքականները միմյանց դեմ 3 հանդիպում են անցկացրել: 3 դեպքերում էլ «չոր» հաշիվներով հաղթել է Պորտուգալիան. 1993 թվականին 3:0, 2005-ին՝ 2:0 և 2013-ին՝ 1:0:

Աղբյուր` Փաստինֆո