Փաստ ինֆո

ՀՀ կառավարությունն այսօր որոշեց ներդրումային ծրագրի շրջանակներում «Խաչատրյան եղբայրներ» սահմանափակ պատասխանատվությամբ ընկերության կողմից ապրանքների ներմուծման դեպքում մաքսային և հարկային մարմինների կողմից հաշվարկված ավելացված արժեքի հարկի (ԱԱՀ) գումարների վճարման ժամկետը երեք տարի ժամկետով հետաձգելու: Կառավարության որոշման նախագիծը գործադիրին ներկայացրեց ՀՀ էկոնոմիկայի նախարար Արծվիկ Մինասյանը: Այս մասին գրում է Armtimes.com-ը:

Հիշեցնենք, «ՀԺ»-ն այսօր գրել է, որ այս ընկերությւոնը Սյունիքի մարզպետ Սուրիկ Խաչատրյանին եւ նա եղբորը՝ Սասուն Խաչատրյանին է պատկանում: «Խաչատրյան եղբայրներ» ընկերությունը Սյունիքի մարզի Ծղուկ համայնքում պետք է կառուցի 4 մգվտ հզորությամբ փոքր հիդրոէներգոկասկադ (ՀԷԿ) եւ օգտագործելով նշված տարածքի գետերի պոտենցիալը` էլեկտրաէներգիա է արտադրելու:

Կառավարության որոշման նախագծի համաձայն, այս նպատակով Խաչատրյան եղբայրները պետք է 1,9 մլրդ դրամի ներդրում կատարեն, որից մոտ 489 մլն դրամի պետք է Չինաստանից հիդրոգեներատորներ, հիդրոտուրբիններ եւ այլ սարքավորումներ ձեռք բերեն:

Մեկ այլ որոշմամբ էլ կառավարությունը որոշեց գերակա ոլորտում իրականացվող ներդրումային ծրագրի շրջանակներում ներմուծվող տեխնոլոգիական սարքավորումները, դրանց բաղկացուցիչ ու համալրող մասերը, հումքը և նյութերը ներմուծման մաքսատուրքից ազատման արտոնությունից օգտվելու համար «Խաչատրյան Եղբայրներ» սահմանափակ պատասխանատվությամբ ընկերության կողմից ներկայացված հայտը բավարարել:

Մանրամասները՝ սկզբնաղբյուր կայքում։

Աղբյուր` Փաստինֆո