Փաստ ինֆո

Armsport.am-ը գրում է, որ ավարտվում է Եվրոպայի 2016 թվականի առաջնության խմբային փուլը: Այսօր՝ հունիսի 22-ին կկայան 3-րդ տուրի վերջին 4 հանդիպումները: Խմբային փուլում պայքարը կավարտեն E և F խմբերի հավաքականները:

Հունգարիա - Պորտուգալիա
F խումբ, 3-րդ տուր
Լիոն, «Ստադ դը Լիոն», ժամը՝ 20:00
գլխ. մրցավար՝ Մարտին Ատկինսոն (Անգլիա)
բուքմեյքերներ՝ 9.50 - 4.60 - 1.45

Հունգարիա - Պորտուգալիա հանդիպումը թերևս ամենասպասվածներից մեկն է վերջին տուրում: Հունգարիայի հավաքականը 4 միավորով գլխավորում է F խմբի աղյուսակը, իսկ Պորտուգալիայի ընտրանին 2 միավորով 3-րդն է: Այս խաղով լուծվելու են ամենաառնացքային հարցերը. Պորտուգալիան հաղթանակի դեպքում հնարավոր է ապահովի նաև առաջին հորիզոնականը, իսկ Հունգարիայի պարագայում անգամ ոչ-ոքին կարող է բավարար լինել 1-ին տեղի համար: Ճիշտ է՝ աղյուսակի կտրվածքով մյուս դիմակայությունը ևս մեծ նշանակություն ունի, սակայն այստեղ ինտրիգն առավել մեծ է: Պորտուգալիայի հավաքականը դեռ հաղթանակ չի տոնել և ամենայն լրջությամբ է մոտենում առաջատարի դեմ խաղին:

Հունգարիայի հավաքականն ամուր խաղով նախորդ տուրում 2:0 հաշվով հաղթեց Ավստրիային և հասկացրեց, որ Բալաշ Ջուջակի և թիմակիցների հետ պետք է հաշվի նստել:

Պորտուգալիան առայժմ չի տպավորում. Իսլանդիայի և Ավստրիայի ազգային թիմերի հետ ոչ-ոքիները մտածելու տեղիք են տալիս Ֆերնանդու Սանտուշին:

Իսլանդիա - Ավստրիա
F խումբ, 3-րդ տուր
Փարիզ, «Ստադ դը Ֆրանս», ժամը՝ 20:00
գլխ. մրցավար՝ Շիմոն Մարցինյակ (Լեհաստան)
բուքմեյքերներ՝ 3.88 - 3.40 - 2.17

F խմբում շարունակում է խաղաքարտերը խառնել Եվրոների նորեկ Իսլանդիայի հավաքականը: Իսլանդացիները պարտություն չեն կրել՝ 2 հանդիպումներն էլ ավարտելով ոչ-ոքի: Խմբի ետնապահի դեմ խաղում գուցե իսլանդական հրաշքը կատարվի, սակայն Ավստրիան ևս տրամադրված է բացառապես հաղթանակի:

Ստեղծված իրավիճակում Իսլանդիան չպարտվելու դեպքում առնվազն 3-րդ հորիզոնականը կպահպանի: 3 միավորը նույնիսկ գուցե չպարգևի 2-րդ հորիզոնական, քանի որ ամեն ինչ կախված կլինի Պորտուգալիայից:

Նման խառնիճաղանջ դրությունում Ավստրիան ևս փորձելու է օգտվել իրավիճակից: Հաղթանակը մեծ հնարավորություն կտա անգամ 2-րդ հորիզոնականում լինել:

Իտալիա - Իռլանդիա
E խումբ, 3-րդ տուր
Լիլ, «Ստադ Պիեր Մարու» մարզադաշտ, ժամը՝ 23:00
գլխ. մրցավար՝Օկտավիան Սովրե (Ռումինիա)
բուքմեյքերներ՝ 2.52 - 3.24 - 3.26

Իտալիայի հավաքականն ապահովել է փլեյ-օֆֆի ուղեգիրը և ոչ-ոքիի դեպքում էլ կապահովի նաև 1-ին հորիզոնականը:Անգամ, եթե Իտալիան պարտվի, որոշիչ կլինի Բելգիայի հանդիպումը, որում գրանցված գոլերից կվճռվի հորիզոնականի հայցը:

Իտալիայի հավաքականը 2 խաղերում հաղթել է և Գերմանիայի ու Լեհաստանի հետ այն հավաքականն է, որը դեռ գոլ բաց չի թողել: Իռլանդիայի ընտրանին էլ 2 խաղերում 1 գոլ է խփել՝ սեփականն ընդունելով 4-ը:

Իռլանդացիները, չնայած եզրափակում են աղյուսակը, այնուամենայնիվ փլեյ-օֆֆի հույսեր ունեն. դրա համար պետք է միմիայն հաղթել, իսկ զուգահեռաբար ընթացող խաղում Բելգիան պարտություն կրի. բելգիացիների ոչ-ոքիի դեպքում, Իռլանդիան պետք է հաղթի խոշոր հաշվով, ինչը քիչ հավանական է թվում:

Նշենք, որ այս հանդիպումը հնարավոր է բաց թողնի Իտալիայի ազգային թիմի ավագ Ջանլուիջի Բուֆոնը, ով բաց է թողել 2 օր առաջ կայացած մարզումը ջերմության պատճառով:

Շվեդիա - Բելգիա
E խումբ, 3-րդ տուր
Նիս. «Ստադ դը Նիս» մարզադաշտ, ժամը՝ 23:00
գլխ. մրցավար՝ Ֆելիքս Բրիխ (Գերմանիա)
բուքմեյքերներ՝ 5.60 - 3.34 - 1.84

Այս հանդիպումով կլուծվի E խմբի 2-րդ ուղեգրի հարցը: Երկու հավաքականներն էլ հաղթելու դեպքում միանգամից կտիրանան դրան, իսկ ոչ-ոքին ձեռնտու է Բելգիային, ով այժմ 3 միավորով 2-րդն է:

Բելգիայի ընտրանին մեկնարկում Իռլանդիայի նկատմամբ 3:0 հաշվով վստահ հաղթանակից հետո 2 անպատասխան գնդակ ընդունեց առաջատար Իտալիայից՝ ուղեգրի հարցը թողնելով վերջին տուրին:

Շվեդիայի հավաքականը մեկնարկում նվազագույն հաշվով զիջել է իտալացիներին, իսկ 2-րդում 1:1 հաշվով ավարտել Իռլանդիայի դեմ խաղը. նշենք, որ շվեդ ֆուտբոլիստները դեռ գոլ չփեն խփել. Իռլանդիայի դեմ խաղում ինքնագոլ է գրանցվել:

Աղբյուր` Փաստինֆո