Փաստ ինֆո

Եվրոպայի առաջնությանը մասնակցող ամենափոքր բնակչությամբ երկիրը՝ Իսլանդիան, հերթական սխրանքը գործեց՝ նվաճելով «Եվրո-2016»-ի փլեյ-օֆֆի ուղեգիր: 3-րդ տուրում իսլանդացիները 2:1 հաշվով հաղթեցին Ավստրիային:

«Armsport.am»-ի հաղորդմամբ` խաղը սկսվեց հյուսիսաբնակների առավելությամբ եւ 18-րդ րոպեին Յոն Դադի Բեդվարսոնը բացեց հաշիվը:

Ընդունած գոլիեց հետո ասվտրացիները չընկճվեցին եւ սկսեցին ուղիներ փնտրել դեպի Իսլանդիայի դարպասը: 36-րդ րոպեին Ավստրիան ստացավ 11 մետրանոցի իրավունք, սակայն Ալեքսանդր Դրագովիչի հարվածից հետո դարպասաձողը փրկեց Իսլանդիային:

Ընդմիջումից հետո Իսլանդիան կարող էր վճռել խաղի ելքը, սակայն 49-րդ րոպեին Սիգուրդսոնի ընթացքից կատարած հարվածը մի փոքր շեղ ստացվեց:

60-րդ րոպեին Ավստրիային վերջապես հաջողվեց խփել պատասխան գնդակը. Ալեսանդրո Շոպֆը հիանալի անցումից հետո գնդակն ուղարկեց ցածրի անկյունը:

Մինչեւ խաղավարտ կողմերը ունեցան գոլային մի քանի պահեր, սակայն հաշիվը մնաց անփոփոխ մինչեւ 94-րդ րոպեին, իսկ ահա մրցավարի ավելացրած ժամանակի 4-րդ րոպեին Արնուր Տրաուստասոնը հաղթանակ պարգեւեց Իսլանդիային :

Ավստրիան այդպես էլ հաղթանակ չտոնեց «Եվրո-2016»-ում եւ 1 միավորով եզրափակեց մրցաշարային աղյուսակը, իսկ ահա Իսլանդիան 5 միավորով գրավեց 2-րդ հորիզոնականը եւ դուրս եկավ հաջորդ փուլ:

Իսլանդիա-Ավստրիա՝ 2:1

Գոլերը՝ 1:0-Բեդվարսոն (18), 1:1-Շոպֆ (60), 2:1-Տրաուստասոն (90+4)

Իսլանդիա. Հալդորսոն, Սեւարսոն, Ռագնար Սիգուրդսոն, Արնասոն, Սկուլասոն, Գուդմունդսոն, Գունարսոն, Գիլֆի Տոր Սիգուրդսոն, Բյարնասոն, Սիգտորսոն, Բոդվարսոն

Ավստրիա. Ալմեր, Ֆուքս, Պյոդլ, Խինտերեգեր, Դրագովիչ, Իլզանկեր, Բաումգարտլինգեր, Արնաուտովիչ, Ալաբա, Կլյայն, Զաբիտցեր

Աղբյուր` Փաստինֆո