Փաստ ինֆո

ՀՀ ոստիկանության լրատվական ծառայության տեղեկացմամբ՝ բացահայտվել է Գյումրիում Սիրիկ Հակոբյանի և Սարգիս Հակոբյանի սպանության դեպքը: 

Ձեռնարկաված օպերատիվ-հետախուզական և քննչական անհետաձգելի միջոցառումների և որոնողական լայնածավալ աշխատանքների շնորհիվ պարզվել է, որ հունիսի 17-ին՝ ժամը 20.30-ի սահմաններում, նշված տնակում, վիճաբանության ժամանակ, Սիրիկ և Սարգիս Հակոբյաններին մուրճով և ապակե տարաներով հարվածել և սպանել է Գյումրի քաղաքի բնակիչ, 1975 թ. ծնված, նախկինում դատված Գոռ խաչատրյանը:

Գ. Խաչատրյանը ձերբակալված է:

Քննությունը շարունակվում է:

Գյումրիում մոր և որդու սպանության դեպքի առթիվ քրեական գործ է հարուցվել

Ավելի վաղ տեղեկացվել էր, որ հունիսի 20-ին՝ ժամը 15.20-ին, ոստիկանության Երևան քաղաքի վարչության օպերատիվ կառավարման կենտրոնից ոստիկանության Մուշի բաժնում հաղորդում էր ստացվել, որ իրենց է զանգահարել Գյումրիի բնակչուհի Ռիտա Հ.-ն և հայտնել, որ Գյումրիի Ֆանտաններ թաղամասում բնակվող իր ամուսնու հարևաններն իրեն հայտնել են, որ մի քանի օր է մայրը և որդին չեն արձագանքում և նրանց տնից տհաճ հոտ է գալիս:

Ահազանգով դեպքի վայր մեկնած օպերատիվ խումբը Մանուշյան փողոցի թիվ 228/268 տնակում հայտնաբերել է 1936 թ. ծնված Սիրիկ Հակոբյանի և 1960 թ. ծնված Սարգիս Հակոբյանի դիակները:

Մայիսի 21-ին ստացված դատաբժշկական եզրակացության համաձայն՝ նրանց մահը վրա էր հասել «փակ գանգուղեղային վնասվածքի» հետևանքով:

Փաստի առթիվ հունիսի 21-ին հարուցվել է քրեական գործ` ՀՀ քրեական օրենսգրքի 104 հոդվածի 2-րդ մասի 1-ին կետի հատկանիշներով:

Աղբյուր` Փաստինֆո