Փաստ ինֆո

Եվրոպայի 2016 թվականի առաջնությունում շարունակվում է խմբային փուլի վերջին տուրը: Այսօր՝ հունիսի 21-ին կկայանան C և D խմբի 2-ական հանդիպումներ: Armsport.am-ը Ներկայացնում է սպասվող հանդիպումների անոնսը:

Հյուսիսային Իռլանդիա - Գերմանիա
C խումբ, 3-րդ տուր
Փարիզ, «Պարկ դե Պրենս» մարզադաշտ, սկիզբը՝ 20:00
գլխ. մրցավար՝ Կլեման Տյուրպեն (Ֆրանսիա)
բուքմեյքերներ՝ 14.50 - 5.75 - 1.30

Աշխարհի գործող չեմպիոնները գրեթե ապահովել են իրենց տեղը փլեյ-օֆֆում. գերմանացիները հյուսիսիռլանդացիներին չպարտվելու դեպքում դուրս կգան խմբից: Հաղթանակը Յոահիմ Լյովի սաներին անմիջապես 1-ին հորիզոնականը կպահպանի և զուգահեռաբեր Լեհաստանի մասնակցությամբ հանդիպման ելքը որոշիչ չի լինի:

Հյուսիսային Իռլանդիայի հավաքականը փլեյ-օֆֆ դուրս գալու հարմար հնարավորություններ է պահպանում: Անգամ պարտվելու դեպքում Եվրո-2016-ի նորեկը 3-րդ տեղի համար շանսեր պահպանում է:

Հյուիսիսային Իռլանդիայի և Գերմանիայի հավաքականները միմյանց հետ 10 հանդիպում են անցկացրել. գերմանացիները հաղթել են 6 դեպքերում, 2 անգամ առավելությունն ուղեկցել է կղզիաբնակներին, նույնքան դեպքերում էլ ոչ-ոքի է գրանցվել: Վերջին հանդիպումը կայացել է 2005 թվականին. Գերմանիայի հավաքականն ընկերական խաղում հաղթել է 4:1 հաշվով:

Ուկրաինա - Լեհաստան
C խումբ, 3-րդ տուր
Մարսել, «Վելոդրոմ» մարզադաշտ, սկիզբը՝ 20:00
գլխ. մրցավար՝ Սվեյն Օդվար (Նորվեգիա)
բուքմեյքերներ՝4.48 - 3.52 - 2.00

Ուկրաինայի հավաքականը կորցրել է փլեյ-օֆֆ դուրս գալու շանսերը: Լեհաստանի դեմ խաղում ուկրաինացիները փորձելու են գոնե գոլի խփել, քանի որ նախորդ խաղերում դա անել չի հաջողվել. 2 անգամ 0:2 հաշվով պարտություններ Գերմանիայից և Հս. Իռլանդիայից:

Լեհաստանի ընտրանին ներկայում 2-րդ հորիզոնականում է և հավասար միավորներ ունի Գերմանիայի հետ. սպասվում է թեժ դիմակայություն 1-ին տեղի համար:

Ուկրաինայի և Լեհաստանի ազգաին թիմերը պատմության ընթացքում 6 անգամ են հանդիպել. Լեհաստանը հաղթել է 1 դեպքում, Ուկրաինան՝ 3. ևս 2 դիմակայություն էլ ոչ-ոքիով է ավարտվել:

Խորվաթիա - Իսպանիա
D խումբ, 3-րդ տուր
Բորդո, «Ստադ դը Բորդո», սկիզբը՝ 23:00
գլխ. մրցավար՝ Բյորն Կյուիպերս (Հոլանսիա)
բուքմեյքերներ՝ 5.15- 3.05 - 2.04

Իսպանիայի հավաքականն արդեն վաստակել է փլեյ-օֆֆի ուղեգիր: Դրան մոտ է նաև Խորվաթիայի հավաքականը, որին 1 միավորն էլ է բավարար Չեխիայի համար անհասանելի դառնալ: Ամեն դեպքում, Խորվաթիայի հավաքականն էլ է ձգտելու հաղթել, քանի որ այդկերպ 1-ին հորիզոնականը կզբաղեցնի:

Երկու հավաքականներն էլ պարտություն չեն կրել. Եվրոպայի գործող չեմպիոնը 2 խաղերում հաղթել է, իսկ Խորվաթիան 1-ում հաղթել է, 1-ում պարտվել:

Եվրոպական այս ընտրանիները միմյանց դեմ 4 հանդիպում են անցկացրել, որոնցից 3-ը՝ ընկերական: Այդ դիմակայություններում երկու անգամ հաղթել է Իսպանիան՝ 3:1 և 2:1, մեկ խաղ էլ ոչ-ոքիով է ավարտվել: Պաշտոնական խաղ եղել է Եվրո-2012-ի խմբային փուլում, երբ «կարմիրները» կրկին հաղթել են, այս անգամ նվազագույն հաշվով:

Չեխիա - Թուրքիա
D խումբ, 3-րդ տուր
Լենս, «Ստադ Բոլեարտ-Դելելիս» մարզադաշտ, սկիզբը՝ 23:00
գլխ. մրցավար՝ Վիլիամ Կոլում (Շոտլանդիա)
բուքմեյքերներ՝ 2.45 - 3.34 - 3.28

Չեխիայի հավաքականը դեռ որոշակի շանսեր ունի խմբում 2-րդ հորիզոնականի համար, սակայն հաղթելու դեպքում ավելի իրատեսական կլինի 3-րդ տեղով փլեյ-օֆֆին մասնակցելու հնարավորությունը:

Թուրքիայի ընտրանին ձախողում է Եվրոն. 2 խաղ և նույնքան պարտություն: Ֆատիհ Թերիմի թիմը անգամ 3-րդ տեղ զբաղեցնելու դեպքում, ըստ ամենայնի» դուրս կմնա ուժեղագույն 3-րդների քառյակից, քանի որ ներկայում գոլերի հարաբերակցությունը 0:4 է:

Չեխիայի և Թուրքիայի ազգային թիմերը միմյանց դեմ 7 հանդիպում են անցկացրել. Չեխերհ հաղթել են 3, թուրքերը 2 անգամ. 2 դիմակայություն էլ ոչ-ոքիով է ավարտվել:

Աղբյուր` Փաստինֆո