Փաստ ինֆո

Եվրոպայի առաջնության խմբային փուլի 2-րդ տուրի շրջանակում Լիոնում տեղի ունեցավ Ուկրաինայի ու Հյուսիսային Իռլանդիայի միջև հանդիպումը: Խաղն ավարտվեց Մայլք Օ’Նիլի սաների` 2:0 հաղթանակով:

«Armsport.am»-ի հաղորդմամբ` հենց խաղասկզբից «կանաչասպիտակ բանակը» ոչնչով չէր զիջում մրցակցին և ավելի սուր էր գործում հարձակման գծում: Դրվագներից մեկում անկյունայինի ժամանակ մրցակցի տուգանային հրապարակ մտած պաշտպան Քրեյգ Կատկարտը վտանգավոր հարվածը կատարեց, որը մի փոքր շեղ ստացվեց:

Երկրորդ կեսի սկզբում` 49-րդ րոպեին իռալնդացիներն ընդհանրապես բացեցին խաղի հաշիվը. տուգանայինի խաղարկումից հետո Գարեթ Մակոլին գլխի դիպուկ հարվածով դարպասը: Ուկրաինացիներն անմիջապես նետվեցին կորցրածը ետ բերելու, սակայն Եվգենի Սելեզնյովի անչափ վտանգավոր հարվածից հետո իր թիմին փրկեց դարպասապահ Մայքլ Մակգովերնը: Հյուսիսային Իռլանդիան փորձեց նույնկերպ պատասխանել և մոտ 7-8 րոպե բաց ֆուտբոլ ընթացավ, բայց հետո սկսեց կարկուտ տեղալ և չեխ գլխավոր մրցավար Պավել Կարլովեցը թիմերին մի քանի րոպեով ուղարկեց դեպի հանդերձարան տանող թունել: Խաղադաշտ վերադառնալուց հետո թիմերը կորցրին նախկին արագությունները և սկսվեց կոպիտ խաղ ու անզիջում պայքար:

Ուկրաինայի հավաքականի գլխավոր մարզիչ Միխայել Ֆոմենկոն արագորեն 3 փոփոխություներ կատարեց, որոնք սակայն չօգնեցին «դեղնակապույտներին»: Մրցավարի կողմից ավելացված 6-րդ րոպեին փոխարինման մտած Նիլ Մակգիլն առաջինն արձագանքեց Պյատովի ետ մղած գնդակին և մոտ տարածությունից խոցեց դարպասը: 

Արդյունքում, Ուկրաինան մրցաշարում 2-րդ պարտությունը կրեց և խիստ բարդացրեց փլեյ-օֆֆ դուրս գալու հույսերը: Հյուսիսային Իռալնդիան վաստակելով 3 միավոր հավասարվեց առաջատարներ Գերմանիային ու Լեհաստանին, որոնց մինչև հանդիպումը կսկսվի ավելի ուշ:

Թիմերը խաղադաշտ էին դուրս եկել հետևյալ մեկնարկային կազմերով.

Ուկրաինա – Անդրեյ Պյատով, Եվգենի Խաչերիդի, Վյաչեսլավ Շևչուկ, Յարոսլավ Ռակիցկի, Արտյոմ Ֆեդետցկի, Տարազ Ստեպանենկո, Սերգեյ Սսիդորչուկ, Եվգենի Կոնոպլյանկա, Անդրեյ Յարմոլենկո, Վիկտոր Կովալենկո, Եվգենի Սելեզնյով:

Հյուսիսային Իռլանդիա – Մայքլ Մակգովերն, Քրեյգ Կատկարտ, Գարեթ Մակոլի, Ջոնի Էվանս, Սթիվեն Դևիս, Կորի Էվանս, Քոնոր Վաշինգթոն, Օլիվեր Նորվուդ, Սթյուրատ Դալաս, Աարոն Հյուզ, Ջեյմի Ուորդ.

Եվրոպայի առաջնություն. C խումբ

Ուկրաինա - Հյուսիսային Իռլանդիա` 0:2

Գոլերը.  0:1 - Գարեթ Մակոլի (49), Նիլ Մակգիլ (90+6)

Աղբյուր` Փաստինֆո